Маңғыстауда ҚХА Қазақстан халқын сайлауға қатысуға шақырды

АҚТАУ. 23 наурыз. Ақтауда Қазақстан халқы облыстық Ассамблеясының «Біз Қазақстан халқымыз» шарасы өтті. Онда Қазақстан Халықтары ассамблеясы ел азаматтарын сайлауға қатысуға шақырды. Шараға 1,5 мыңнан астам адам қатысты. Бұл туралы egemen.kz тілшісі хабарлады. «Қазақ халқында «Теңіз тамшыдан құралады» деген мақал бар. Яғни, елдің болашақ тағдыры әрбіреуіміздің шешімімізге байланысты. Өйткені елдің ертеңі бүгін қаланады. Бәріміз Қазақстанның тарихын жасау үстіндеміз. Осы ауызбіршілігіміз жасампаздық пен бейбітшілікке, татулық пен ынтымақтастыққа бағытталған бауырластық ретінде Қазақстан жылнамасына енеді деп сенемін», – деді «Булгар» татар этномәдени орталығының төрайымы Зульфия Бернеева. Сондай-ақ, «Халық келісімі» қоғамдық бірлестігінің төрағасы Юсуп Шахшаев, Абай атындағы МДК-нің бас директоры Юрий Дирр, «Ехпайрутюн» армян этномәдени бірлестігінің жастар қанатының өкілі Грета Хачатурян халықты сайлауға бір кісідей қатысуға шақырды. Шара соңы патриоттық әндер орындалған концерттік бағдарламаға ұласты. Гүлайым Шынтемірқызы. Дерек, сурет: egemen.kz.