Фото: x.com/brazzers_don
Noticias Caracol радиостанциясының дереккөздері оқиға аймағындағы үкімет мекемелері шұғыл түрде эвакуацияланғанын хабарлап отыр. Алдын ала ақпарат бойынша, аудан үстінен ұшқышсыз аппараттар ұшып өткен болуы мүмкін, бұл әуе шабуылына қарсы қорғаныс жүйесінің жұмысына түрткі болған.
Мадуроның тұтқындалуы және АҚШ-тағы сот
Еске сала кетейік, 3 қаңтар күні Америка Құрама Штаттары Венесуэлаға қарсы арнайы операция жүргізіп, Каракаста президент Николас Мадуро мен оның жұбайын тұтқындаған болатын. Кейінірек АҚШ Президенті Дональд Трамп Мадуро мен әйелінің кемемен Нью-Йоркке бара жатқанын мәлімдеді. Николас Мадуро мен оның зайыбы Силия Флореске ауыр айыптар тағылып отыр:
- Наркотерроризм мақсатындағы сөз байласу;
- Кокаин тасымалдау;
- Пулеметтер мен жарылғыш құрылғыларды сақтау;
- АҚШ-қа қарсы пулеметтер мен жарылғыш заттарды қолдану мақсатында сөз байласу.
Николас Мадуро мен оның жұбайы Бруклиндегі қамау орталығынан Манхэттендегі сот ғимаратына тікұшақпен және күшейтілген кортежбен жеткізілді. Сот залында Венесуэланың биліктен тайдырылған лидері мен әйелі өздеріне тағылған айыптарды мойындаған жоқ. Келесі сот отырысы 17 наурызға белгіленді.
