Оқиға • 16 Қаңтар, 2026

Астанада бір жылда теміржол аумағында 77 адам зардап шекті

1 мин

оқу үшін

2025 жылы Астана қаласында теміржол бойында 77 адам түрлі жарақат алып, оның жартысына жуығы қайтыс болды. Тұрғындардың қауіпсіздік ережелерін ескермей, жолды қысқарту үшін рельстерді рұқсат етілмеген жерден кесіп өтуі қайғылы жағдайлардың басты себебіне айналып отыр, деп хабарлайды Egemen.kz.

Қырмызы ЖҰМАҒАЛИҚЫЗЫ

Астанада бір жылда теміржол аумағында 77 адам зардап шекті

Фото: Ашық дереккөз

Polisia.kz порталының мәліметінше, өткен жылы елорда аумағында пойыздардың 1 869 шұғыл тежелуі тіркелген. Оның ішінде 334 жағдай тікелей теміржолда адамдардың болуына байланысты болған. Департамент өкілдері жарақат алу көрсеткішінің жоғары екенін және оқиғалардың басым бөлігі адам өлімімен аяқталатынын хабарлады.

Жеңіл көлік пен жүк пойызы соқтығысып, 5 адам жарақат алған

Тәртіп сақшылары 2025 жылы жағдайды түзету мақсатында 27 мыңнан астам профилактикалық іс-шара өткізген. Соған қарамастан, теміржол бойындағы құқық бұзушылықтар тыйылмай тұр. Полиция азаматтарды өз өміріне жауапкершілікпен қарауға және теміржол нысандарында бекітілген ережелерді қатаң сақтауға шақырады.