видеодан алынған кадр
Ведомство мәліметінше, ойын платформасының жұмысы үшін «bingo37 pro» сервисі пайдаланылған. Бұл сервис мыңнан астам құмар ойын түріне қолжетімділік берген. Олардың қатарында «Crazy Monkey», «Keno», «Euro Game» және өзге де танымал ойындар бар.
Заңсыз казино ұйымдастырушылардан 420 млн теңгенің мүлкі тәркіленді
Тергеу деректеріне сәйкес, клиенттер Telegram және WhatsApp мессенджерлері арқылы тартылған. Онда жарнамалық хабарламалар, фото және бейнематериалдар, сондай-ақ акциялар мен бонустық ұсыныстар таратылып, оңай әрі тез ұтысқа кенелу мүмкіндігі туралы түсінік қалыптастырылған. Қаражат аударғаннан кейін ойыншыларға платформаға кіруге арналған логин мен құпиясөз берілген.
АФМ мәліметінше, ақша қабылдау және қаржы ағындарын жасыру мақсатында Грузия мен Тәжікстан азаматтары «дроппер» ретінде тартылған. Олар Қазақстан аумағына арнайы келіп, банк шоттары мен абоненттік нөмірлерді тіркеген. Кейін бұл шоттар мен нөмірлерді ұйымдастырушыға беріп, өздері іс жүзінде басқармаған.
Тіркелген шоттар арқылы 3,1 млрд теңгеден астам қаражат өткен.
Қазіргі уақытта тергеу амалдары жалғасып жатыр. Өзге ақпарат тергеу мүддесіне байланысты жария етілмейді.
