Алдағы күндері еліміздің кей жерлерінде күн күрт суытады

АСТАНА. 26 наурыз. Наурыз айының соңғы күндерінде еліміздің бірқатар өңірінде ауа райы күрт суытып, аяз болады. Бұл туралы «Қазгидромет» хабарлады. Синоптиктердің болжауынша, 28-29 наурыз күндері Солтүстік Қазақстан, Ақмола, Павлодар, Қарағанды, Қостанай және Ақтөбе облыстарында ауа температурасы 15-20 градусқа дейін төмендейді. Кей жерлерде 25 градус аяз болуы мүмкін. Ал 29-30 наурызда Жамбыл және Оңтүстік Қазақстан облыстарында күшті жел соғып, -3-8 градус шамасында аяз болады деп күтілуде. Солтүстік-шығыстан соққан желдің күші секундына 18-23 метрге дейін жетеді. Тіпті таулы аймақтарда жел 30 м/с жылдамдықпен соғады деп болжануда. Еламан Қоңыр. Дерек: «Қазгидромет». Сурет: mail.ru.