Азаматтық мәселелер жөніндегі комиссияның кезекті отырысы өтті

АСТАНА. 13 мамыр. Бүгін Мемлекеттік хатшы Гүлшара Әбдіқалықованың төрағалығымен Президент жанындағы азаматтық мәселелер жөніндегі комиссияның кезекті отырысы өтті. Бұл туралы akorda.kz хабарлады. Отырыста Қазақстан азаматтығын алу және одан шығу мәселелері қаралды. Мемлекеттік хатшы егемендік жылдары 956 мыңнан астам адам Қазақстан азаматтығын алғанын, оның басым көпшілігі соңғы жылдардың үлесіне тиетінін атап өтті. Гүлшара Әбдіқалықова Қазақстан азаматтығын алуға ниеттенген әлемнің әртүрлі елдеріндегі адамдар санының үздіксіз өсе түсуі Елбасы Нұрсұлтан Назарбаевтың стратегиялық сындарлы, әлеуметтік тартымды және халықаралық деңгейде танылған мемлекеттік саясатының жарқын көрінісі екенін атап көрсетті. Мемлекет басшысы Жарлыққа қол қойғаннан соң алыс және таяу шет елдерден келген түрлі ұлттың тағы 570 өкілі Қазақстан азаматы атанатын болады. Комиссия отырысының қорытындысы бойынша тиісті шешімдер мен ұсынымдар қабылданды. Еламан Қоңыр. Дерек, сурет: akorda.kz.