Жобаның негізгі мақсаты – қолданыстағы нормаларды Еңбек кодексіне сәйкестендіру. Осыған байланысты кейбір терминдер нақтыланып, редакциялық түзетулер енгізу ұсынылып отыр. Атап айтқанда, «диеталық (емдік және профилактикалық) тамақтануға арналған арнайы өнімдер» деген ұғым «диеталық емдік және диеталық профилактикалық тамақтануға арналған тағам өнімдері» деп өзгертіледі.
Сонымен қатар орташа жалақыны есептеу кезінде ескерілмейтін төлемдер тізіміне қатысты да нақтылаулар бар. Жобаға сәйкес, мұндай төлемдер қатарына жұмыс беруші тарапынан берілетін сүт немесе оған теңестірілген тағам өнімдері, диеталық емдік және профилактикалық тағам өнімдері, сондай-ақ еңбек заңнамасында көзделген арнайы киім мен жеке қорғаныс құралдарының құны енгізіледі.
Аталған құжат «Ашық НҚА» порталында жарияланып, 12 мамырға дейін қоғамдық талқылауда болады.
Айта кетейік, бұған дейін Еңбек министрлігі ең төменгі жалақыны көтеру мерзіміне қатысты да түсінік берген болатын.
