Мақсат – Ұлт жоспарын жүзеге асыру

Кеше Астанада Саясаткерлер конгресінің бастамасымен, сондай-ақ, Мәдениет және спорт министрлігінің қолдауымен саясаткерлердің «100 қадам: қазақстандық жаңғыртудың перспективалары» тақырыбында Конгрестің Сарапшылар клубының мәжілісі болып өтті. Сарапшылар Ұлт жоспарын жүзеге асыру бойынша нақты ұсынымдамалары мен ұсыныстарын ортаға салды. «100 нақты қадам» – бұл жаһандық және ішкі сын-қатерлерге жауап болып табылатын мемлекеттің жаңғырту жөніндегі кешенді бағдарламасы. Ол Қазақстанның әлемдегі аса дамыған 30 мемлекеттің қатарына қосылу жөніндегі мақсаттарына қол жеткізуге бағытталып отыр. Ұлт жоспарын тиімді жүзеге асыру мемлекеттік органдардың, сарапшылар қоғамдастығы мен азаматтық сектордың белсенді өзара іс-қимылын талап етеді, деп атап өтті Президент Әкімшілігі Басшысының орынбасары Б.Майлыбаев. Сарапшылар клубының жұмысына Қазақстан Республикасы Парламентінің депутаттары, Президент Әкімшілігінің, мемлекеттік органдардың, саяси партиялардың, сарапшылар тобының, ҮЕҰ-ның өкілдері, сондай-ақ, белгілі қоғам қайраткерлері мен БАҚ  өкілдері қатысты. «Егемен-ақпарат».