Фото: ІІМ
Облыстық полиция департаментінің мәліметінше, оқиға 17 сәуірге қараған түні Талғар ауданында болған. Алдын ала деректерге сәйкес, күдіктілер 28 жастағы ер адамды алдын ала жоспарланған тәсілмен адамдар сирек жүретін жерге алдап шақырған. Кейін олар жәбірленушіні пышақпен қорқытып, күш қолданып, дене жарақатын салған. Бұдан соң оны күштеп таулы аймаққа алып кеткен.
Елімізде некеге мәжбүрлеу мен адам ұрлауға қатысты заң өзгереді
Полиция дерегінше, қаскөйлер жәбірленушіні «заңсыз әрекеттер жасады» деген жалған ақпаратты құқық қорғау органдарына таратамыз деп қорқытып, 10 миллион теңге талап еткен. Сонымен қатар құны шамамен 17 миллион теңге болатын автокөлігін кепіл ретінде алып қойған.
Алматы облысы ПД бастығы Мейрам Әбікеевтің айтуынша, қазіргі уақытта сотқа дейінгі тергеп-тексеру амалдары жүргізіліп жатыр. Тергеу барысында оқиғаның барлық мән-жайы анықталып, ұсталғандардың өзге де осыған ұқсас қылмыстарға қатысы бар-жоғы тексеріледі.
Бала ұрлау ісі: Ақтөбеде белгісіз біреу кішкентай қызды алып кетпек болған
