Словакиялық кәсіпкер түссіз кофе ойлап тапты

АСТАНА. 28 маусым. Словакиялық кәсіпкер түссіз кофе ойлап тапты. Бұл туралы 24.kz хабарлады. Ол ерекше сусынды дайындау тәсілін құпия сақтап отыр. Алайда, мөлдір кофенің дәмі эспрессодан кем түспейтінін айтады. Тіске де зияны жоқ деп сендіреді. Сусынның құрамын мемлекеттік мамандар тексеріп жатыр. Сараптамадан кейін кофе сатылымға шығарылады. Кәсіпкер Дэвид Наги: «Түссіз кофеде кофенің қуырылған дақылы, ауызсу және табиғи жолмен алынған кофеин бар. Біз ешқандай жасанды немесе дәм кіргізетін заттар мен қантты пайдаланбаймыз», – деді. Ал Йозеф Бариста есімді турист: «Көзімді жұмсам салқын эспрессо кофесін ішіп жатқандай боламын. Қатты таңқалатын нәрсе. Себебі біз түсі бар кофе ішіп үйренгенбіз ғой», – деп таңданысын жасыра алмады. Айта кетейік, түссіз кофенің дәмі тіл үйіреді және айызыңды қандырады екен. Талғат Райымбек. Дерек, сурет: 24.kz.