Қаржы бақылау органдары өкілдері бас қосты

Үстіміздегі жылғы 2-4 наурыз аралығында БҰҰ-ның Венадағы бөлімшесінде Жоғары қаржы бақылау органдары халықаралық ұйымының (ИНТОСАИ) «2015 жылдан кейінгі кезеңде БҰҰ-ның дамуы бойынша күн тәртібі: жоғары қаржы бақылау органдарының орнықты дамуды қамтамасыз етудегі рөлі мен іске асыру құралдары» тақырыбына арналған 23-ші симпозиум өтті. Іс-шараны Аустрияның федералды президенті Хайнц Фишер ашты. БҰҰ Бас хатшысының экономикалық және әлеуметтік мәселелер жөніндегі орынбасары Ву Хонгбо, БҰҰ Бас хатшысының ішкі аудит қызметі жөніндегі орынбасары Карман Лапоинте және ИНТОСАИ Бас хатшысы Джозеф Мозер симпозиумға қатысушы­лар­ды құттықтап, сөз сөйледі. Симпозиумға Қазақстан Рес­пуб­ликасы Есеп комитетінің төра­ғасы Қозы-Көрпеш Жаңбыршин бас­­таған делегация қатысты. Басқа ел­дердің жоғары қаржы бақылау органдарының басшыларымен екі­жақты ынтымақтастықты талқылау мақсатында симпозиум шеңберінде Қ.Жаңбыршин бірқатар екіжақты кездесулер өткізді. «Егемен-ақпарат».