Cолтүстік Қазақстанда басқарма басшысы тағайындалды

ПЕТРОПАВЛ. 31 наурыз. Солтүстік Қазақстан облысының әкімі Ерік Сұлтановтың өкімімен Қайрат Омаров облыстық ауыл шаруашылығы басқармасының басшысы болып тағайындалды. Бұл туралы облыс әкімдігінің баспасөз қызметі хабарлады. Қайрат Қайроллаұлы 1979 жылы сол кездегі Көкшетау облысы Володаровка ауданында туған. Қарағанды заң академиясының Көкшетау филиалын, Көкшетау экономика және менеджмент институтын экономика және заңгер мамандықтары бойынша тәмамдаған. Еңбек жолын 1996 жылы  Айыртау ауданында мұғалімдіктен бастаған. Сондай-ақ, 2004-2008 жылдары Ғ.Мүсірепов, Айыртау аудандарында әділет басқармасында жетекші, бас маман қызметтерін атқарған. 2008-2012 жылдар аралығында Ғ.Мүсірепов ауданында халыққа қызмет көрсету орталығына жетекшілік еткен. 2012 жылдан осы кезге дейін Мүсірепов ауданы әкімінің экономика және ауыл шаруашылығы мәселелері бойынша орынбасары болған. Өмір Есқали. Дерек, сурет: Солтүстік Қазақстан облысы әкімдігінің баспасөз қызметі.