Президент Дәулет Тұрлыхановты қабылдады

АСТАНА. 31 наурыз. Президент Нұрсұлтан Назарбаев Қазақстан күрес федерациясының құрметті президенті, біріккен күрес әлемінің бюро мүшесі Дәулет Тұрлыхановты қабылдады. Бұл туралы Ақорданың баспасөз қызметіне сілтеме жасаған egemen.kz хабарлады. Кездесу барысында елде бұқаралық спортты дамыту, соның ішінде жас ұрпақты спортқа баулу мәселелері талқыланды. Қазақстан президенті жастар арасында саламатты өмір салтын насихаттаудың, сондай-ақ жоғары жетістіктер спортын дамытумен қатар халықтың дене шынықтырумен және спортпен белсене айналысуы үшін қажетті барлық жағдайды жасаудың маңыздылығына тоқталды. Өз кезегінде Дәулет Тұрлыханов отандық спорттың ірі қалаларда ғана емес, шалғай өңірлерде де дамуына көрсетіп отырған қамқорлығы, осыған қажетті инфрақұрылымдардың салынуына тікелей мұрындық болып келе жатқаны үшін Мемлекет басшысы алғыс айтты. Мұның негізінде еліміз спортының мықты іргетас қалап, соның нәтижесінде спортшыларымыздың аймақтық және халықаралық жарыстарда жоғары көрсеткіштер қол жеткізіп жүргенін атап өтті. Сәкен Майлыбай.