Алла Пугачева 2 баласын алып Израильге кетті

АСТАНА. 31 наурыз. Ресейдің белгілі әншісі Алла Пугачева егіз балалары – бір жарым жасар Гарри мен Лизаны алып Израильге демалуға кетті. Бұл туралы dni.ru хабарлады. Олар Жерорта теңізінің жағалауындағы Кейсария қаласындағы жеке үйлердің біріне тоқтаған. Бұл жайды әнші былтыр көріп, ұнатқан екен. А.Пугачева балаға қарауға өзімен бірге күтуші ертіп бармапты. Ол Гарри мен Лизаның күтімін жеке өзі қарауды жөн көрген. Ал оның жұбайы Максим Галкин қолы босаған кезде бала-шағасына барып қайтпақ. Айтпақшы, атақты әнші өзінің 15 сәуірде болатын туған күнін осы елде атап өтпек. Ол биыл 66 жасқа толады. Тағы бір айта кетер жайт, Алла Пугачева бұл елге тек демалуға ғана келмеген көрінеді. Ол осында белін емдетуге келетін 81 жастағы Галина Волчекке қолдау білдіруді де мақсат етіп отыр. Ресейдің халық әртісі Г.Волчек бұған дейін Евгений Плющенко, Станислав Говорухин сынды тұлғаларға ота жасаған Илья Пекарскийге көрінуге келеді екен. Жолдыбай Базар. Дерек, сурет: dni.ru.