«Мектепке жол» акциясы: Оқулықтармен қамтамасыз етіледі

Жаңа оқу жылының бас­та­л­уына бірнеше күн қалды. Биылғы 2015-2016 оқу жылын­дағы оқу барысында 4, 5, 6 жә­не 11-сыныптарға арналған қай­­та шығарылған оқулық­тар пайдаланылатын болады. Ол оқулықтарды жергілікті атқарушы органдардың сатып алуы үшін өңірлік бюджеттен шамамен 13 млрд. теңге бө­лінді. Облыстық және Астана мен Алматы қалаларының білім басқармаларынан алынған ақ­паратқа сәйкес, бүгінде еліміздің барлық өңірлеріне жаңа оқу­лық­тар таратылды. Ал 1, 2, 3, 7, 8, 9, 10-сынып оқушыларын ал­­дыңғы жылдары шыққан оқу­лықтармен қамтамасыз ету мектеп кітапханаларының қоры­нан жос­парлы түрде жүзеге асырылады. Қазіргі уақытта респуб­ли­ка­ның барлық мектептерінде оқушыларға оқулық тарату жүр­­гізіліп жатыр. Сонымен бірге, қосымша білім беру әде­биеттерін (жұмыс дәптерлері, атластар, контурлық карта­лар және т.б.) ата-аналар өз қаражаттарына кітап дүкен­дерінен сатып алатынын атап өткен жөн. Оқу жылының басында дүрлігіс болмау үшін оқу­шы­лар мен олардың ата-аналарына оқу­лықтарды, сондай-ақ, қо­сым­ша әдебиеттерді және мектеп жабдықтарын дүкеннен сатып алуды кешіктірмеулеріңізді өтінеміз. Білім және ғылым сала­сын­дағы бақылау комитетінің және оның өңірлік департа­мент­терінің интернет-ресурстар да оқулықтардың сапасы мен мектептерге жеткізу бойынша жұртшылықпен кері байланыс орнату мақсатында жедел желілер қосылады. Атап айтқанда, БҒСБК сайтындағы «Азаматтарды  қабылдау» бөлімінде «Оқулық- 2015» чаты орналастырылған, сол жерге пікірлеріңіз бен ұсыныс­тарыңызды қалдыра аласыздар, деп хабарлайды ата-аналарға Білім және ғылым министрлігінің баспасөз қызметі.