Ұлттық кітапханада «Конституция залы» ашылды

Ұлттық академиялық кітапханада Ата Заңымызға 20 жыл толуына байланыс­ты «Конституция» залының салтанатты ашылу рәсімі өтті. Конституция туралы оқыр­мандардың таным-түсінігін арт­тыру, сондай-ақ Ата Заңды құрмет­теуге тәрбиелеп, белсенді азаматтық ұстанымдарын әрі құқық­тық сана-сезімін қалып­тастыру мақсатында ашылған «Конституция» залына қара­пайым қағидалардан бастап, егеменді еліміздің құқықтық жүйесіне дейінгі құжаттарды, шетелдердің конституциялары қойы­лыпты. Олардың арасында Конституцияның құрылу тарихына қатысты фото, баспа, аудио және бейнематериалдар, Негізгі Заңның әр жылдардағы басылымдары, Президент Н.Назарбаев­тың ұлықтау рәсіміндегі жазбалары, Конституциялық Кеңестің жұмысы туралы материалдар оқырман назарына қойылған. Аталған салтанатты ш­а­раға Конституциялық Кеңес­тің төрағасы И.Рогов, Конс­титуциялық Кеңес мүшелері, Парламент депутаттары, ел­ор­­далық зиялы қауым, бел­гілі заңгерлер, ғалымдар, қаладағы мәдени мекемелердің жетекшілері қатысты. «Конституциялық Кеңес пен елдің барлық заңгерлерінің атынан баршаңызды алдағы Қазақстан Конституциясы күні­мен құттықтаймын. Негізгі Заңның мерейтойы қарсаңында Ұлттық академиялық кітапханада «Конституция» залының ашылуы таңбалы оқиға болып отыр. Бұл күні Конституция мәтінін қайта қарап шығып, елімізде осы құжатқа негізделе отырып жүзеге асырылған ауқымды жұмыстарға көңіл аударуымыз керек деп ойлаймын. Бүкіл Қазақстан халқы Конституцияның авторы болып табылады, өйткені Негізгі Заң республикалық референдумда барша халықтың дауыс беруі арқылы қабылданған болатын. Осы сәтті пайдалана отырып, баршаңызды тағы да Ата Заңымыздың 20 жылды­ғымен құттықтаймын», – деген Конституциялық Кеңестің төрағасы И.Рогов жаңадан ашыл­ған «Конституция» залы­ның тұсауын кесті. Конституция залының экс­по­зициясы 4 бөлімнен тұра­ды: қа­зақ­тың әдет-ғұр­ып ере­же­лері, Қазақстан Консти­ту­ция­­­сының тарихы, 1995 жыл­ғы Қазақ­стан Республикасы Конс­­­титуциясы және шетел­дер­­­дің конституция­лары. Экс­по­­зи­ция­ның басты бұйым­да­ры қа­зақ­тың әдет-ғұрып ере­же­ле­рі мен Қа­зақстан Конс­ти­туция­сы­ның, сондай-ақ шетел­дердің Кон­с­­титуцияларының тари­хы­­на бай­ланысты 300-ден аса кі­тап, кі­тапша, кино-фото-фоно құ­жат­­тардан құралған. Конс­ти­ту­­ция залы ғалымдар, студенттер, оқушылар, кітапхана оқыр­мандары, кітапқұмарлар, сондай-ақ мемлекет тарихы бойынша әуесқойлардың жұмыс жасауына арналып отыр. Сонымен қатар, залдың ашылуы аясында Конституциялық Ке­ңес төрағасы кітапханаға бір­қа­тар тарихи бағалы кітаптар табыс етті. Соның бірі, «Уголовное обы­ч­­ное право казахов» атты кі­тап­тың қайта басылған нұс­қа­­сы. Оның авторы Тай­ыр Молдағалиұлы Күлтелеев – тұңғыш заң­­­гер-ғалым, Қазақстандағы құ­­­қық­­тық білім беру мен заң ғы­лы­мын дамытуды алғашқы ұйым­­дастырушылардың бірі, қазақ­­тың әдет-ғұрып ережелерін зерт­­теуші. Көп жылғы зерттеу жұмыс­тарының нәтижесінде Т.М.Күл­телеевтің докторлық диссертациясы дүниеге келді, алайда оны қорғап үлгере алмады. 1955 жылы аталған еңбек С.Болатов, Л.Дюков, С.Зиманов, А.Фи­ли­­монова және В.Ким бас­та­ған ғалымдардың күш салуы­мен монография түрінде жарық көрді. Ұлттық академиялық кітап­хана директоры Үмітхан Мұңал­баева Конституциялық Кеңестің төрағасы мен барлық ұжымына жаңа залдың ашылуына көмек көрсетіп, шараға қатысқаны үшін ризашылығын білдірді. Сондай-ақ, ол «Конституция» залының ашылуына тікелей қолдау көрсеткен Мәдениет және спорт министрі Арыстанбек Мұхамедиұлына алғыс айтты. Айдар ӨРІСБАЕВ, «Егемен Қазақстан».