ПАВЛОДАР. 26 тамызПавлодар қаласында Қазақстан Республикасының ІV жазғы Паралимпиялық ойындар өтті. Бұл туралы egemen.kz тілшісі хабарлады.
«Дене мүмкіндіктері шектеулі тұлғаларға арналған спорттық даярлау орталығы» РМҚК директоры Кыдырбек Рысбектің айтуынша, тамыз айының 19 мен 23 аралығында өткен жарысқа еліміздің барлық облыстарынан 600 үздік спортшы қатысты. Олар суда жүзу, пауэрлифтинг, оқ ату, жеңіл атлетика, волейбол, үстел теннисі және де арбамен билеу сияқты 7 паралимпиялық спорт түрінен 424 медаль жиынтығын сарапқа салды.
«Ойынның қортындысы бойынша спортшылар мен командалар әр түрлі дәрежелі дипломдарға ие болып, кубоктар, медальдар және де бағалы сыйлықтармен марапатталды. Бұл сын 2016 жылы Рио-де Жанейро қаласында өтетін Паралимпиялық ойындарға лицензиялар ұтып алудың дайындығы ретінде өткізілді.Жарыс Павлодар қаласының «Шымыр» жүзу бассейні, ШЖҚ «Спорттық клуб» КМК, «Баянтау» спорт сарайы, С. Торайғыров атындағы ПМУ стадионы, «АОТДТО» атыс тирі, орталық стадионда өтті», едді ол. Ал «Штаттық ұлттық командалар және спорт резервi дирекциясы» РМҚК директорының орынбасары Алексей Крючковтың айтуынша, мүмкіндігі шектеулі адамдардың қоғамға интерграциясының жақсы мүмкіндігі бар, ол – спорт. Біздің еліміз спортпен шұғылдануды оларға қол жетімді етуге барынша жағдай жасап жатыр.
«Бүгінгі таңда Қазақстанда дене мүмкіндіктері шектеулі адамдарға арналған 10 спорттық ұйым, Оңтүстік Қазақстан мен Қарағанды облыстарында екі мамандандырылған спорт мектебі жұмыс істеуде. Петропавл қаласында жоғарғы спорттық шеберлік мектебінің дене мүмкіндіктері шектеулі тұлғаларға арналған спорттық бөлімінің жұмысы сәтті жүріп жатыр. Сонымен қатар, Павлодар облысының спорттық және мүгедектік ойын түрлері бойынша балалар мен жастар спорт мектебінде, Қызылорда қаласындағы мүгедектік спорт түрлерінің бөлімі «Мұз айдыны» спорттық кешенінде мүмкіндігі шектеулі жандарға барлық жағдай жасалған», едді ол.
Жыл сайын Мәдениет және спорт министрлігі тарапынан әртүрлі дәрежедегі мүгедектер арасында70-ке жуық чемпионаттар, жарыстар мен турнирлер өткізіледі. Оларға төрт мыңнан астам спортшы-мүгедектер қатысады. Оған қоса халықаралық сайыстарға қатысу үшін оларға қаржылай көмек көрсетіледі.
Дастан Кенжалин.
Дерек, сурет: «Дене мүмкіндіктері шектеулі тұлғаларға арналған спорттық даярлау орталығы» РМҚК.
