«Виртуалды ЭКСПО-2017» жобасы таныстырылады

Биылғы жылғы VIII Аста­на экономикалық фору­мы­ның аясында 22 мамырда «Астана ЭКСПО-2017» ҰҚ» АҚ-тың «ЭКСПО-2017 – тұрақ­ты даму үшін энергия» тақыры­бындағы панельдік сессия­сы өтеді. Оған жеті халық­аралық сарапшылар мен отан­дық ғалымдар және мемлекет­тік органдардың өкілдері, сон­дай-ақ, еліміздің даму институттары, бизнес өкілдері қатысады. Бұл жөнінде Президент жанын­дағы Орталық коммуникациялар қыз­метінде өткен баспасөз мәслихатында «Астана ЭКСПО-2017» ҰК» АҚ басқарушы директоры Салтанат Рахымбекова мәлімдеді. Оның айтуы бойынша, біздің Қазақстан мемлекеті ЭКСПО-2017 көрмесін өткізетін ел болып тағайындалғалы бері 2013 жылдан бастап дәстүрлі түрде АЭФ бағдарламасы мен G-Global алаңында «Болашақ энергиясы» талқыланып келеді. Сондай-ақ, аталған көрменің мәні «ЭКСПО-2017 – «Тұрақты даму үшін энергия» және «Энергия тиімділік – «жасыл» технологиялар мен төменгі көміртекті экономиканың негізі» атты екі панельдік сессиясының барысында ашылатынын айтты. Сонымен қатар, Астана эконо­ми­калық форумы барысында ЭКСПО-2017 халықаралық көрме­сін алға жылжытуды насихаттау бел­сенді жүріп жатыр, дей келе аталған панельдік сессияға қатысуға ниет білдіргендердің көп екендігін атап айтты. Және де ол үстіміздегі жылғы VIII АЭФ-те «Астана ЭКСПО-2017» ҰК» АҚ-тың Қазақстанның даму институттарымен және қоғамдық ұйымдарымен бірлесе жүзеге асырып отырған «Виртуалды ЭКСПО-2017» жобасының таныстырылымы өтетіндігін, аталған жаңалықтың игі бастама екендігін жеткізді. Жаңа компоненттермен толығып отырған жобаның ерекшеліктерін атап өткен С.Рахымбекова аталған жобаның «жасыл» технологиялар мен инновациялар, «Online EXPO-2017» республикалық байқауы, ЭКСПО-ның виртуалды форумынан тұратындығын көлденең тартты. Эльмира МӘТІБАЕВА, «Егемен Қазақстан».