Алматыда «Эйр Астана» инженерлерді оқыту орталығын ашты

АЛМАТЫ. 21 мамыр. Алматыда «Эйр Астана» қазақстандық және еуропалық авиациялық өкіметінің сертификатына ие және EASA P147 стандарттарына сай инженерлерді оқыту орталығын ашты. Бұл туралы egemen.kz тілшісі хабарлады. Оқыту бағдарламалары 26 инженерлік пәндер бойынша, сонымен қатар Airbus A320 техникалық қызмет көрсету саласы бағытында ұсынылады. Жаңа оқыту орталығы арқылы әуе компаниясы өз инженерлерін шет елге жіберуді қажет етпейді және Қазақстан мен ТМД елдерінің өзге әуе компанияларының мамандарын дайындай алады. Бұл – Еуропа авиациялық өкіметімен сертификатталған Орталық Азиядағы тұнғыш орталық. ТМД елдері арасындағы орталықтардың бестен бірі ғана аталған сертификатқа ие. Орталықтың ашылуы алдағы уақытта Астанада авиация мектебін құруға жасалған алғашқы маңызды қадам болып табылады. Онда бастапқы деңгейде инженерлерді оқыту мүмкін болады. Думан Анаш, Дерек, сурет: «Эйр Астана» АҚ қоғаммен байланыс департаменті.