Бұхар бұғысы

Олардың саны Түркістан өңірінде 89 басқа жетті Сырдария-Түркістан мемлекеттік өңірлік табиғи паркінің аймағы 120 мың гектарға созылып жатыр. Осының 64 мың гектардан астамы орманды алқап. Мемлекет қорғауындағы бұл паркте өсімдіктердің 936 түрі өссе, сүтқоректілердің – 46, құстардың 309 түрі мекендейді. – Осыдан 15 жыл бұрын Ел­басы киелі Түркістанның 1500 жыл­дығына 10 бұхар бұғысын тарту еткен болатын. Бүгінде филиал­дағы тұқымбақта өсіріліп жат­қан олардың басы 89-ға жетіп отыр, – дейді «Сырдария-Түркі­стан мемлекеттік өңірлік табиғи паркі» КММ директоры Б.Мошқалов. Сонымен қатар, «Сырдария-Түркістан мемлекеттік өңірлік та­биғи паркінің» аумағында ішкі ту­ризмді дамыту мақсатында турис­тік бағыттарды тамашалау алаң­дарына кіру, көлік тұрақ­тары, қонақ және киіз үй­лер, жолсерік, экскурсия жасатушы, аудар­машы, қайық, мініс аттары, жылытылған жылжымалы вагон-үйлер, монша сияқты туристерге қызмет көрсету түрлері жүзеге асырылып отыр. Облыс әкімі жақында өткен жиында аң-құсты атпауға үш жылға мораторий жарияла­­­ған болатын. Алайда, мемлекет тарапынан осындай игі істер жасалып жатқанымен, дала­­ның ерке жан-жануарларына аяусыздықпен мылтық кезейтін екі аяқты жыртқыштар азаймай тұр. Бақтияр ТАЙЖАН, «Егемен Қазақстан». Оңтүстік Қазақстан облысы.