Маңғыстауда алғаш рет визит-орталық салынады

АҚТАУ. 3 шілде. Маңғыстауда алғаш рет визит-орталық салынады. Бұл туралы 24.kz сайтына сілтеме жасаған egemen.kz тілшісі хабарлады. Маңғыстау түбегінің тарихи жерлері мен таңғажайып табиғатын тамашалауға келген саяхатшылар үшін облыста алғаш рет туристік визит-орталығы салынбақ. Өңірге келген меймандар алдымен осында тіркеліп, қажетті ақпаратпен қамтылатын болады. Олар одан әрі мамандардың көмегімен таңдаған бағыты бойынша саяхатқа шығады. Орталық жаңадан салынып жатқан республикалық маңызға ие автожолдар мен теміржолдардың түйісетін жері болып табылатын, Ақтаудан 300 шақырым жердегі Манаты асуының бойында орналасады. Бұл шет елдер мен отандық туристер үшін ыңғайлы болмақ. Орталыққа қажетті электр қуаты жел және күн көзінен алынады. Құрылысты бастау үшін жергілікті қазынадан 20 млн. теңге бөлінді. Құрылыс жұмыстары келер айда басталады. «Туристік визит-орталығы салынатын болса, бұл кәсіпкерлікті дамытуға үлкен ықпал етеді. Себебі, асхана, кішігірім медициналық орталық, көлік жөндеу орындары ашылатын болады», дейді Маңғыстау облыстық табиғи ресурстар және табиғат пайдалануды реттеу басқармасы басшысының орынбасары Орынбасар Тоғжанов. Гүлайым Шынтемірқызы. Дерек, сурет: egemen.kz.