Павлодар облысында өрт сөндіру бекеттері ашылуда

ПАВЛОДАР. 21 мамыр. Облыста «Орман алқаптарын және орманға жақын орналасқан шалғайдағы ауылдарды өрттен қорғаудың аудандар аралық құрылымы» атты пилоттық жобасы жүзеге асырылуда. Бұл туралы egemen.kz тілшісі хабарлады. Төтенше жағдайлар департаментінің хабарлауынша, жоба шеңберінде ауылдарда 18 өрт сөндіру бекеті Екібастұз, Ақсу, Павлодар қалаларында және Железин ауданында ашылған. Биыл Баянауылда, Қашыр аудандарында жаңа бекеттер құрылады. Қазіргі уақытта бұл нысандар ТЖД «Өрт сөндіру және авариялық-құтқару жұмыстары қызметі» мекемесі арнайы техникасы, қосымша құралдар мен ал, мамандар киім-кешекпен қамтамасыз етілген. Бұл 162 жұмыс орнын ашуға мүмкіндік береді. Жоба бойынша сала мамандары өңірдегі өрт сөндіру кәсіби мектебінде дайындықтан өтеді. Фарида Бықай. Дерек, сурет: egemen.kz