Баден-Вюртемберг федералдық жерінің Штуттгарт қаласындағы жұмыс сапары шеңберінде Қазақстанның ГФР-дағы елшісі Болат Нүсіпов аталған жердің ЕО және халықаралық қарым-қатынастар мәселелері жөніндегі министрі Петер Фридрихпен кездесу өткізді. Келіссөздердің күн тәртібінде Қазақстан мен Баден-Вюртемберг арасындағы екіжақты сауда-экономикалық қатынасты жетілдіру мәселелері талқыланды. Сондай-ақ, неміс министрі жоспарланған экономикалық аймақтық делегацияны Қазақстанға өзі бастап кететіндігін хабарлады. Баден-Вюртембергке сапар барысында қазақстандық дипломат Карлсруэ және Ульм сияқты ірі индустриялық қалаларындағы Қазақстанның экономика күндеріне қатысты және аймақтың басты компанияларының басшылығымен кездесті. «Қазақстан жолы – 2050: қазақстандық-германдық ынтымақтастықтың жай-күйі және даму болашағы» атты экономикалық форумдар Қазақстанның Германиядағы Елшілігінің бастамасы негізінде Баден-Вюртемберг федералдық жерінің үкіметі мен Карлсруэ және Ульм қалаларының сауда-өнеркәсіптік палаталарының ұйымдастыруымен өтті. Аталған форумдар барысында Қазақстан елшісі неміс бизнес-қауымдастығы өкілдерін «Нұрлы Жол – болашаққа бастар жол» Жаңа Экономикалық Саясатының негізгі жағдайымен және ЭКСПО-2017 халықаралық көрме шеңберіндегі инвестициялық ахуалының мүмкіндіктері бойынша шетелдік инвесторларды қолдауға және қорғауға арналған шараларымен таныстырды. Өз кезегінде неміс тарапы аймақаралық әрекеттестіктің нық дамуына және еліміздің инвестициялық ахуалының артуына осындай іс-шаралар мен келіссөздердің маңыздылығы ерекше екенін атап өтті. ГФР-ға осы аймақтың іскер тобы қазақстандық нарыққа қатысуға деген ынталары мен ниеттерін білдірді. «Егемен-ақпарат».
Сурет: bnews.kz
