• 28 Тамыз, 2015

Ақмолалықтар қымбат нөмірлерге 15 миллион теңге жұмсады

340 рет

көрсетілді

1 мин

оқу үшін

Egemen Qazaqstan

КӨКШЕТАУ. 28 тамыз. Қазақстанда автокөліктердің жоғары сұраныстағы мемлекеттік тіркеу нөмірлерін алудың арнайы тарифтері бекітілгені белгілі. Екі топтағы бұл нөмірлердің әрқайсыс 253724 теңгеден 422256 теңгеге дейін тұрады. Алайда, бұл ақмолалықтардың біршамасын аса қиналта қоймайтын тәрізді. Облыстық ішкі істер Департаменті әкімшілік полиция басқармасының тіркеу-сынақ бөлімі биылғы жыл басынан бері көлік иелеріне 15 миллион теңгенің 49 нөмірін тапсырыпты. Бұл орайда, ақмолалықтар «333» комбинациялы нөмірінің 16 данасын, «777» нөмірінің – алты, «001», «300», «555» және «888» нөмірлерінің төрт данасын сатып алғанын айтқымыз келеді. Бірақ, елден ерекшелену жұртшылықты аса селт еткізе қоймайтындай. Бақберген Амалбек. Дерек, сурет: egemen.kz