Қаламгерге құрмет

Елдікті мұрат тұтқан «Егемен Қазақстан» газетінің белді қызметкері, бас редактордың орынбасары, қарымды қаламгер Сейфолла Шайынғазыны асқаралы 60 жасқа толғанымен Қостанай облы­сының әкімі Нұралы Сәдуақасов өзінің және өңір халқының атынан құттықтады. Құттықтауды облыстық мәслихаттың хатшысы Сайлаубек Есжа­нов газет ұжымына келіп, үлкен құрметпен жеткізді.Осыған орай өткен мерей­лі шарада «Егемен Қазақ­стан» республикалық газеті» АҚ президенті Сауытбек Абдрахманов Қостанай облы­сының әкіміне ризашылығын білдірді, Сейфолла Шайынғазының қа­зақ журналистикасының қа­ра ша­ңырағындағы жемісті ең­бегіне тоқталып, алдағы шығар­машылығына табыс тіледі. Қостанай халқы мен әкімінің жылы ілтипатын жеткізген Сай­лаубек Ерғазыұлы ұжым алдында құттықтау хатын оқып берді. Онда қаламгердің ел алдында атқарған қызметтері айтыла келіп: «Бай тәжірибеңіз, жан-жақты білімділігіңіз, тамаша іскерлік қасиеттеріңіз сізді лайықты абырой-бедел мен құрметке бөледі. Нәти­жесінде, көп жылғы жемісті еңбегіңіз бірқатар наградалармен атап өтілді, ал ең бастысы, жерлестеріңіз сізді шын жү­ректен құттықтайды», делінген. Өз кезегінде облыстық мәсли­хат хатшысы қаламгердің Қостанай, Торғай облыстарында атқарған қызметтері мен шығармашылығы жөнінде әңгімелеп, «Жолайрық», «Көңіл көкжиегі», «Дүние дәурен» сынды бірқатар жинақтары жөнінде жылы пікірін білдірді. Нұрбай ЕЛМҰРАТОВ, «Егемен Қазақстан».