Ресейде автокөліктің бағасы өсті

АСТАНА. 12 наурыз. Ресейде рубльдің курсы тұрақтанғаннан кейін автөліктің бағасы тағы өсті. Бұл туралы egemen.kz тілшісі хабарлады. Mercedes-Benz, Porshe, Lexus, Toyota, Volkswagen, Land Rover, Jaguar Jeep, Chtysler, Honda, Acura, Infiniti автокомпаниялары ақпан-наурыз айларында автоөнімдерінің бағасын көтерді. Алдағы уақытта да аталған компаниялар автокөліктің бағасын көбейтеді деп күтілуде. Қаңтар айында УАЗ, KIA, Hyunday, Nissan, Toyota көліктерінің бағасы орташа есеппен алғанда 3-5 пайызға өскен. Естеріңізге сала кетсек, былтырғы жылдың соңында Ресейде рубльдің құлдырауына байланысты автокөліктің бағасы арзандаған болатын. Сол кезде осы мүмкіндікті қазақстандықтар пайдаланып, Ресейден жаппай автокөлік сатып ала бастағаны белгілі.  Қаржы министрлігінің мәліметтеріне қарағанда, отандастарымыз қараша-желтоқсан айларында көрші елден 22 мың автокөлікті сатып алған. Осы ведомствоның хабарлауынша, елімізге көбіне Lada, Toyota, KIA, Hyunday Chevrolet көліктері әкелінген. Дастан Кенжалин. Дерек: egemen.kz Сурет: egemen.kz