Президенттікке үміткерлердің қатары 21 адамға жетті

АСТАНА. 12 наурыз. Орталық сайлау комиссиясына кезектен тыс президенттік сайлауға кандидат ретінде тіркелгендердің саны 21 адамға жетті. Орталық сайлау комиссиясы төрағасының орынбасары Владимир Фосс осылай деді. Бұл туралы «ҚазАқпарат» хабарлады. Владимир Фосстың айтуынша, кандидаттардың 18-і сайлауға өзін-өзі, екі кандидатты, атап айтқанда, Н.Назарбаевты «Нұр Отан» партиясы, ал Т.Сыздықовты Қазақстанның коммунистік халық партиясы ұсынған. Қазіргі уақытта олардың сайлау талаптарына сәйкестігі тексеріліп, кейбірі лингистикалық комиссияға сынақ тапсыру үстінде.«8 кандидатты тіркеуден бас тартылды. Олардың екеуінің жасы Конституцияға сәйкес сайлауға түсу жасына толмаған. алтауы лингвистикалық комиссия сынағын тапсыра алмады. 4 адам лингвистикалық комиссия сынағын тапсырды. Олардың сайлау талаптарына сәйкестігі тексерілді. Олар қазіргі уақытта сенімді тұлғаларын тіркеп, қол жинау жұмысымен айналысуда», – деді В.Фосс. Оның атап өтуінше, бүгін М.Телебеков, Ә.Құсайынов, С.Мұқаш және Асылбек Амантай Орталық сайлау комиссиясына келіп, президенттікке кандидат ретінде тіркелген. Жолдыбай Базар. Дерек: «ҚазАқпарат». Сурет: thenews.kz.