Қазанда «Адмирал» сауда орталығы өртеніп кетті

АСТАНА. 12 наурыз. Қазан қаласындағы «Адмирал» сауда орталығы түгел жанып кетті. Бұл туралы besti.ru хабарлады. Өрт кезінде нысанда 200 адам болған. Олардың арасындағы 4 адам қаза тапса, 22 жан түрлі деңгейде жарақат алған. Бұлардың басым бөлігінің хал-ахуалы ауыр көрінеді. Қалалық№12 аурухананың бас дәрігері Тауфик Сафиннің айтуынша, 13 адамның жағдайы өте төмен. Қазіргі таңда өртенген нысанды полицейлер қоршауға алған. Өрт 4 мың шаршы метр жерді шарпыған. Өртті сөндіруге 200-ден астам адам, тікұшақ, өрт сөндіру техникалары және арнайы пойыз жұмылдырылған. Алдын ала болжам бойынша, өрт сауда орнының екінші қабатында орналасқан кафеден шыққан. Оқиға орнына Татарстан республикасының президенті. Рустам Минниханов келіп, жиын өткізді. Басқосуда белгілі болғандай, жапа шеккен азаматтар сауда орындарымен қамтамасыз етілетін болды. Жолдыбай Базар. Дерек, сурет: besti.ru.