Түрік актері Орхан Шимшек әкесін бауыздап өлтірді

АСТАНА. 4 сәуір. Түркия телехикаялары арқылы танымал болған актер Орхан Шимшек әкесі Әли Шимшекті бауыздап өлтірген. Бұл туралы 1News.az.хабарлады. Әли Шимшектің мүрдесі Адыяман қаласы Кахта ауданынының орталығынан бірнеше шақырым қашықтықта орналасқан Салкымбаг ауылынан табылған. Хабарламада көрсетілгендей, бұған дейін түріктің Samanyolu арнасының эфирінде шығатын «Кішкентай келін» телехикаясындағы кейіпкерлердің бірін сомдауға келісім берген Орхан қаңтар айында жоғалып кеткен көрінеді. Қазіргі таңда актер Орхан Шимшекті құқық қорғау органдары қолға түсірген. Актердің анасы Мүйесер Шимшек ұлының психологиялық ауытқулары бар екенін айтады. Айта кетейік, Орхан Шимшек 1985 жылы туған. Ол «Еларна» телеарнасында көрсетілген «Генджо» телехикасында Ахметтің рөлін сомдаған. Бұдан басқа бірқатар телехикаяларда басты рөлдерде ойнаған. Жолдыбай Базар. Дерек, cурет: 1News.az.