Барак Обама Алясканың қорық болғанын қалайды

АСТАНА. 4 сәуір. АҚШ президенті Барак Обама Аляска штатын тұтастай қорыққа айналдыруды ұсынды. Бұл туралы bbc.co.uk хабарлады. Президент әкімшілігі осы мәселеге қатысты Палата спикеріне арнайы хат жолдады. Онда штаттың әсем табиғатын қаз қалпында сақтау үшін осындай бастамаларды жүзеге асыру керектігі айтылған. Бүгінде Аляскада жойылып кету қаупі төнген жануарлар мен өсімдіктер әлемі бар. Қазір мемлекет сол қауіптің бетін қайтару үшін көптеген жұмыстарды қолға алуда. Егер АҚШ Конгресі президенттің бастамасын мақұлдап, штатты қорыққа айналдыру туралы шешім шығарса, ол жақта пайдалы қазбаларды іздестіру жұмыстары тоқтайды. Ал Аляскада қазіргі күні мұнай мен газ кен орындарын табу мақсатында бұрғылау жұмыстары қарқынды жүруде. Жалпы, аталған штаттың басқа да пайдалы қазбаларға бай екені белгілі. Еламан Қоңыр. Дерек: bbc.co.uk. Cурет: zn.ua.