Фильмде Алина Кабаева ролінде ойнайтын актриса табылмай жатыр

АСТАНА. 5 сәуір. Ресей өздерінің даңқты спортшылары туралы фильм түсіруді қолға алды. Бұл туралы belta.by хабарлады. Туынды бірнеше оқиғадан тұрады. Нақты айтсақ, фильм атақты палуан, грек-рим күресінен үш дүркін Олимпиада чемпионы Александр Карелин (Сеул-1988, Барселона-1992, Атланта-1996, 130 кг.), спорттық гимнастикадан екі дүркін Олимпиада чемпионы Светлана Хоркина (Атланта-1996, Сидней-2000, брусья), жүзуден екі дүркін Олимпиада чемпионы Александр Попов (Барселона-1992, 50 м., 100 м.) және көркем гимнастикадан Олимпиада чемпионы Алина Кабаева (Афина-2004) туралы болмақ. Осы ретте түсіру тобын Кабаеваның образы әбігерге салуда. Себебі, режиссер спортшының ролін сомдайтын лайықты актрисаны таба алмай отыр. Егер түсіру жұмыстары басталғанға дейін табылмаса, басты рольді Алинаның өзі ойнауы әбден мүмкін. Еламан Қоңыр. Дерек, сурет: belta.ry.