Елбасы қабылдады

Мемлекет басшысы Нұрсұлтан Назарбаев Ұлт­тық қауіпсіздік комитетінің төрағасы Әділ Шаях­­метовті қабылдады, деп хабарлады Қазақ­стан Республикасы Президентінің баспасөз қызметі. Ә.Шаяхметов ағымдағы жылғы ақпанда Ұлттық қауіпсіздік комитетінің кеңейтілген алқа отыры­сында Президент алға қойған міндеттердің орын­далу барысы туралы хабардар етті. Кездесу барысында, сондай-ақ “Қазақстан Рес­пуб­ликасында құқық қорғау қызметі мен сот жүйе­сінің тиімділігін арттыру жөніндегі шаралар ту­ралы” Жарлықтың аясында қарастырылғандай, ал­да­ғы уақытта ҰҚК қызметін оңтайландыру туралы әңгіме болды. *  *  * Мемлекет басшысы Нұрсұлтан Назарбаев Қа­зақстан Республикасы Ұлттық Банктің Төраға­сы Григорий Марченконы қабылдады, деп ха­бар­ла­ды Қазақстан Республикасы Президентінің баспасөз қызметі. Кездесу барысында Г.Марченко Президентті банк жұмысының қорытындыларынан хабардар етті. – Жалпы алғанда, бүгінде жағдай жағымды. Инфляция деңгейі айтарлықтай төмен, теңге ба­ғамы тұрақты. Тіпті, біз тамызда ұлттық валюта құ­нының жедел өсуінің алдын алу үшін ішкі рынокта валюта сатып алуға мәжбүр болдық. Төлем балансы бойынша ағымдағы шоттың оң сальдосы қалып­тас­ты, яғни тауарлар мен қызметтердің экспорты им­портқа қарағанда едәуір жоғары. Қаржы рыногын­дағы жағдай өте тұрақты. Бір ғана проблема банк­тердің экономиканы несиелеуі ұлғаймай отыруына байланысты болып отыр. Сондықтан Үкімет та­рапынан тиісті екі бағдарлама әзірленді. Мұның өзі күзде тиімділігін көрсетіп, банктердің нақты сек­торды несиелеу көлемі артады деп сенеміз, – деді Г.Марченко журналистерге арналған брифингте. *  *  * Мемлекет басшысы Нұрсұлтан Назарбаев “Сырбар” сыртқы барлау қызметінің директоры Аманжол Жанқұлиевті қабылдады, деп хабарлады Қазақстан Республикасы Президентінің баспасөз қызметі. Кездесу барысында А.Жанқұлиев еліміздің Президентін ведомствоның ағымдағы жұмысынан хабардар етті.