24 Тамыз, 2010

Оқушылар да, мұғалімдер де бірыңғай киінбек

336 рет көрсетілді
Жаңа оқу жылының басталуы­на санаулы күндер қалды. Соған орай Білім және ғылым министр­лігі жаңа оқу жылының дайындық шараларына аса мән беріп, олар­дың сапалы әрі нәтижелі орын­далуына ерекше ден қойып отыр десек, Білім және ғылым ми­нистрлігінде айтарлықтай мәні зор екі басқосу өткізілді. Еліміздегі мек­теп оқушыларының бірыңғай формалары мен нашақорлыққа қарсы күресте аталмыш ве­домс­тво­ның ықпалы және міндеттері осы басқосуларда талқыланды. Алдымен Білім және ғылым министрі Жансейіт Түймебаевтың қатысуымен нашақорлыққа қарсы ІІ халықаралық семинар-форум өтті. Онда министр жас ұрпақтың денсаулығына назар аудару мәсе­ле­сін және жастар ортасында на­ша­­­қорлыққа қарсы жұмыс бары­сын семинар-форумға қатысу­­шыларға таныстыра келе, бұл бағыттағы жұмыстарды бірлесе атқару керектігіне тоқталды. “Еліміздің барлық оқу орда­ларында есірткіге қарсы шаралар­ды жүзеге асыратын, насихаттау жұмыстарымен жан-жақты айна­­лысатын қызметтік ұйымдар бола­ды. Мұндай бағыттағы қызметтер саламатты өмір салтын насихаттап қана қоймай, дені сау ұлтты тәрбиелеп, қалыптастыруға ықпал етеді. Сонымен қатар бәріміз үшін халықаралық тәжірибелерді қол­данудың да берері көп. Бұл ортақ міндетке, әрине, нашақор­лықтың алдын-алу және тәуелділікті жою үшін мамандар даярлау керек” –деді министр өз сөзінде. Семинар-форумға қатысушы­лар да өз пікірлерін ортаға салды. Мәселен, Халықаралық саламат­тық академиясының президенті Алек­сандр Маюров есірткімен күресу қоғамның барлық саласын қамти­тын әлеуметтік мәселе еке­нін, сол себепті де оған қоғамның барлық мүшесі атсалысуы қажеттігін тілге тиек етті. Онлайн режімінде өткізілген “Мектеп формасы және Қазақстан педагогтарының қазіргі заман киім үлгісі” атты республикалық семи­нар-кеңеске облыстық, Астана жә­не Алматы қалаларының білім бас­қармаларының, қалалық, ау­дан­дық білім бөлімдерінің басшы­лары, балалар киімдерін шығара­тын өндірушілер, ұстаздар және ата-аналар қауымы қатысты. Бұл жиында негізінен оқушыларға ар­­налған мектеп формаларының, спорт­тық киімдердің, жалпы білім беретін мектептердегі педагог қыз­меткерлерге арналған киім үлгілері мен бағалары туралы сөз болды. Республиканың әр өңірінен 700-ден астам білім беру ұйым­дары қатысқан интерактивті форум барысында Ақтөбе, Атырау, Жамбыл, Батыс Қазақстан, Қос­танай, Павлодар облыстарының және Алматы қаласының мектеп формасын енгізу жөніндегі тәжірибелер таныстырылды. Семинар-кеңесте сөйлеген мамандардың сөзіне қарағанда Қазақстан бойынша мектеп формаларының орташа бағасы 11 мың мен 24 мыңның аралығында көрінеді. Әрине, 24 мыңнан 40 мыңға дейін тұратын үлгілер де бар екен. Бір айта кететін жайт, бүгінгі күні елдің 9 аймағында оқушылар бірыңғай мектеп фор­масына ауысыпты. Ал Маңғыстау мен Батыс Қазақстан облыс­тарында бірінші сынып табал­дыры­ғын аттаған оқушылар жергілікті бюджет есебінен киінеді екен. Ал жалпы Қазақстан нары­ғында балалар киімдерін шығара­тын 14 өндіруші бар көрінеді. Сондай-ақ министрлік өкілінің айтуынша, биылғы оқу жылынан бастап Қызылорда облысындағы бүтін бір аудан өз қаражаттары есебінен мұғалімдерге де бірыңғай киім киіндірмек. Білім және ғылым министрлігі 12-15 мың тең­ге аралығында бағаланып отырған мұғалімдердің киім үлгілерін бірте-бірте барлық өңірлерге енгізуді көздеп отыр. Арай ҮЙРЕНІШБЕКҚЫЗЫ.
Соңғы жаңалықтар

1,1 млн гектар жер қайтарылды

Қазақстан • Бүгін, 22:38

Күре жолда көп өзгеріс бар

Аймақтар • Бүгін, 22:32

Шекараның шебі берік

Қазақстан • Бүгін, 22:27

Бақыт министрлігі

Қоғам • Бүгін, 22:20

Электр желілері тозып тұр

Экономика • Бүгін, 22:12

Шығын көбейсе, тариф өседі

Экономика • Бүгін, 22:09

Ұлт ұстазының ұлағаты

Ахмет Байтұрсынұлы • Бүгін, 22:04

Балуан Шолақтың Ғалиясы

Өнер • Бүгін, 21:59

«Қылмыскер» қалам

Өнер • Бүгін, 21:57

Бетховеннің өмірі

Өнер • Бүгін, 21:56

Қасқыр жайлы хикаялар

Таным • Бүгін, 21:53

Ұлттық ойындар – құнды мұрамыз

Ұлттық спорт • Бүгін, 21:41

Алан алған 15-ші жүлде

Теннис • Бүгін, 21:36

Ұқсас жаңалықтар