Нью-Делиде Абай ескерткіші асқақтамақ

Хакім Абайдың 165 жылдық мерейтойы жыл бойы атап өтіледі Шығыс Қазақстан облысының әкімі Бер­ді­бек Сапарбаев жақында ақпарат құралдары өкіл­дерімен жүздесіп, ұлы Абайдың 165 жылдық ме­рей­тойының жыл көлемінде қалай аталып өте­тіндігі, негізгі мерекелік шаралардың 6-8 қазанда Семейде және ақынның кіндік қаны тамған Жидебайда болатындығы жайлы хабардар етті. Тәуелсіздік алғаннан кейін Абай есімі әлем әдебиеті алыптарының арасынан лайықты орын тапты. Революцияға дейін қазақ оқырмандары орыстың ұлы ақыны Пушкинді Абай аударма­лары арқылы танып білді. Шығыс Қазақстан өңірі – Абайдың отаны. Өткен жылы Респуб­лика алаңында Абай ескерткіші асқақтады. Соң­­ғы екі жыл бойы Абай оқуларын өткізу дәстүрге айналды. Данышпан ақынның шығармашылы­ғы­на арналған концерттер мен туындылары бой­ынша көркемсөз оқу және конференциялар мен көр­мелер облыстың барлық мәдениет ошақ­та­рында жыл бойы өткізіліп келеді, – деп бастады әңгімесін өңір басшысы Бердібек Сапарбаев. Облыс әкімі Б.Сапарбаевтың мына бір жаңа­лығы журналистерді елең еткізді. Оның ай­ту­­ын­ша, мүсінші Болат Құсайынов жасаған биіктігі бір жарым метрлік қоладан құйылған Абай ес­керткіші қазірдің өзінде әзір. Ол Үндістанның Қазақстандағы Елшілігімен келісім-шарт бой­ынша Нью-Дели қаласына сый ретінде тар­ты­лып, орталық көшелердің бірінде асқақтамақ. Бұ­дан бір жыл бұрын Өскемен қаласындағы “Жас­тар” саябағында Р.Тагордың мүсіні орна­тыл­ған. Бұдан басқа мерейтой күндері Семей қаласында белгілі ғалым, абайтанушы, жазушы-даматург Қайым Мұхамедхановқа ескерткіш ашылмақ. Абай әндерін орындаушылардың “Ән­ді сүйсең, менше сүй” атты облыстық байқауы, облыстық ақындар айтысы, халықаралық ғы­лыми-практикалық конференция, “Қаламқас” ән-би ансамблінің мерекелік концерті де жиналғандарды ән мен күйге бөлеп тастамақ. Ал мұның алдында опера әншісі, ҚР еңбек сіңірген әртісі Кенжеғали Мыржықпай Астанадағы Президенттік мәдени орталығында “Абай және Пушкин” атты концертін өткізген. Әнші аталған концерттік бағдарламасын облыстың қалалары мен аудандарында көпшілік назарына ұсынып, жоғары бағасын алған еді. Биылғы Абай бабамыздың құрметіне өт­кі­зілгелі отырған мәдени шараларға Абайдың шөп­шегі мен шөберелері, немерелері, қазақтың қа­бырғалы ақын-жазушылары келмек. Прези­­дент Әкімшілігі Ішкі саясат бөлімі мең­ге­рушісінің орынбасары, Мемлекеттік сый­лы­қтың лауреаты Әлібек Асқаров, Мәдениет ми­нис­трі Мұхтар Құл-Мұхаммед, Парла­мен­ттің бір топ депутаттары, мемлекет және қоғам қай­раткерлері қатысып, той көркін қыздыра түспек. Елбасы Н.Назарбаев “Абай – адамзат­­тың Абайы” деп орынды айтқан. Ендеше Абай­дың 165 жылдығы ел есінде қаларлықтай мәнді де сәнді өтпек, – деді өңір басшысы Б.Сапарбаев. Тамыз айында Өскеменде Абайдың төл ме­­рекесіне арналған “Шығыс шынары” атты ха­лық­аралық ақындар мүшәйрасы өткен. Оған Қа­зақстан мен алыс-жақын шетелдерден 140 ақын қатысып, 600-ден астам өлең түскен еді. Міне, сол өлеңдердің басын құрып, кітап шығару да ойластырылған сыңайлы. Зырян қаласында өт­кен әртүрлі ұлт өкілдерінің тіл мерекесінде де Аб­ай басты назарда болды. Бірлікке, ынты­мақ­­қа, халықты ауызбірлікке ұйыстырған Абай ме­рей­­тойы ел есінде ұзақ уақыт сақталатыны сөзсіз. Оңдасын ЕЛУБАЙ.