Академияның көшпелі мәжілісі

Ұлттық инженерлік академия­ның бірінші көшпелі отырысы­ның Қызыл­жар өңірінде өтуі көп­шіліктің есінде маңызды оқиға ретінде қалды. Ұлттық ғылым ака­де­миясының төрағасы Мұрат Жұрынов, Нәдір Нәдіров, Әбді­ра­зақ Жо­мартов, Тілектес Еспо­лов, Рахым­жан Елешов секілді есімі шетелдерге танымал акаде­мик­терді, төралқа мүше­лерін Ұлт­тық инженерлік академияның вице-президенті, техника ғылым­дары­ның докторы, академик Амандық Төлешевтің бастап келуі жиынның салмағын арттыра түс­кен­дей болды. Басқосулардың бел ортасында жүрген Ауыл ша­руашылығы министрлігінің, Оң­түстік Қазақстан, Атырау, Қызыл­орда, Батыс Қазақстан облыс­тары­ның өкілдері, ірі агроқұ­рылым­дар мен фир­малардың же­текшілері Ресей мен Әзірбай­жаннан келген білікті ғалымдар­дың да ой-пікірлерін зейін қоя тыңдап, үлкен тағылым алды. Көшпелі мәжілісті Ұлттық инженерлік академияның кон­курс­тық комиссиясының төраға­сы, техника ғылымдарының док­торы А.Құлыбаев жүргізіп отыр­ды. Ол Жолдауда шағын және орта бизнестің жаңа тобын да­мыту есебінен өңірлерде тұрақты жұмыс орындарын ашу талаптары қойылғанын, талқылауға осынау ма­ңыз­ды міндеттерді шешу жол­дары ұсынылып отырғанын жет­кізді. Ұлттық ғылым академия­сы­ның төрағасы М.Жұрынов ғылым­ды қаржыландыру, бұл салаға жас­тарды көптеп тарту, тұрақтандыру төңірегінде әңгіме өрбітсе, Н.Нәдіров күн, жел энергияларын пайдалану жайын қозғады. А.Құлыбаев құрылыс индустрия­сы­ның кемшін тұстары мен жетілдіру бағыттарын тілге тиек етті. Солтүстік Қазақстан облысы.