Президент поштасынан

«САММИТТІҢ ТАБЫСТЫ ӨТУІ ЕЛБАСЫ БЕДЕЛІНІҢ АРҚАСЫ» Қазақстан азаматтары мен қоғамдық ұйымдарынан Мемлекет басшысының атына ЕҚЫҰ-ның Астана Саммитінің табысты өтуіне байланысты құттықтаулар көптеп түсуде, деп хабарлады Қазақстан Республикасы Президентінің баспасөз қызметі. «Қазақстан Республикасы ардагерлер ұйымдары» қоғамдық бірлес­ті­гінің орталық кеңесінің атынан келген хатта: «Сіздің жеке бастамаңыз бен табандылығы­ңыз­­дың, халық­ара­лық аренада та­нылған беделіңіздің, дана мемлекеттік саясатыңыз бен ел­дің ішіндегі жетістіктеріңіздің арқа­сында Қазақстан ЕҚЫҰ-ның Саммитін өте жоғары деңгейде өткізді, бар­лық келіспеушілікті еңсере оты­рып, Ұйымның дамуына деген ық­пал­дастық жауапкершілігін қуат­тап қана қоймай, оның қауіп­сіз­дікті нығай­ту­дағы рөлін арт­ты­руға жол ашқан Астана Декла­ра­циясының қабылдануы­на ықпал етті. Бүгінде Қазақстан, оның елор­дасы Астана әлемде жаңа та­нымалдыққа, өте жоғары беделге қол жеткізді. Жаңа тарихи жағ­дай­да жанданған «Хельсинки рухы» «Астана рухымен» байи түсті», деп жазылған. Шәңгерей Жәнібеков, Сағадат Нұрмағамбетов, Мақтай Сағдиев, Вера Сидорова және тағы басқа рес­публиканың көрнекті мемлекет және қоғам қайраткерлері Мем­лекет бас­шы­сына зор ден­сау­лық және Қа­зақ­станның гүлденуі мен әлемде бейбітшілікті сақтау жолындағы қызметіне табыстар тілеген. «Атамекен Одағы» Қазақстан ұлттық экономикалық палатасы­ның басшылары мен оның са­ла­лық ұй­ымдары Елбасының көр­нек­ті басшы­лығы нәтижесінде абы­роймен атқа­рылған орасан зор оқиғаның дәуірлік сипатқа ие екенін атап өткен. «Бұл оқиға Ұйым­ның өзі үшін ғана емес, сонымен бірге Еуразия құрлығы мен тұ­тастай әлемдік қоғамдастық үшін де маңызды болды. ЕҚЫҰ-ның Астана Саммитінің аса нәтижелі әрі та­бысты өтуі Елбасының та­ны­малдығы мен жеке беделіне бай­ланысты болды», – делінген хатта. Сонымен қатар Мемлекет бас­шысының атына жекелеген азаматтардан да құттықтау хаттары келіп тү­суде. Тараз қаласындағы гимна­зия­ның 9-сынып оқушысы Тоғжан Ер­жа­но­ва­ның хатында ЕҚЫҰ-ға төраға­лық ету арқылы Қазақстан­ның ха­лық­аралық таны­мал­дығы арта түс­кені атап өтіл­ген. «1-2 жел­тоқ­санда Астанада Еуро­падағы қауіпсіздік және ын­тымақ­тастық Сам­митінің өтуі – әлемдік қоғам­дас­тықтың Қазақ­стан­ға және оның Көшбас­шы­сына деген сенімінің дәлелі» деп атап көрсетілген хатта.