Жан танудың кілті

Тәуелсіздік күніне орай ел­­­ордада мемлекеттік тілдің мәр­тебесін көтеруге байланысты біраз іс-шаралар өтті. Соның алғашқысы Мәдениет ми­нис­тр­лігінің Тіл комитеті мен елі­міздің Заң шығару институты және Қазақ гуманитарлық заң университеті Отанымыздың заң­намасындағы мемлекеттік тілдің мәселелері мен келешегіне арналған ғылыми-тәжі­ри­белік конференцияға ұйытқы болды. Оған Конституциялық Кеңестің өкілдері, Парламент Мәжілісінің депутаттары, заң шығарушы және орталық ат­қа­рушы органдардағы мемлекеттік тілді дамыту және аударма саласының мамандары, ғалымдар, саясаттанушылар қа­тысып, мемлекеттік тілдің қол­дану аясын кеңейту мәселесін жан-жақты талқылады. Қоры­тындысында арнайы қарар қа­былдап, заң саласындағы тілді сауатты қолдану мәселесі туралы бір тоқтамға келді. Сол секілді Мәдениет министрлігі мен Орыс тілі қа­уы­мы арасындағы өзара түсініс­тік пен әріптестік туралы ме­мо­рандумға сәйкес, аталмыш құзырлы органның Тіл комитеті орыс қауымымен бірлесе отырып, Астанадағы Ресей ғы­лым және мәдениет орта­лығында «Тіл – халық жанын танудың кілті» деген тақы­рып­та республикалық байқау өткізді. Бұл байқауға еліміздің барлық облыстары мен қала­ларынан қазақ тіліне ден қой­ған 14-22 жас аралығындағы орыс жастары қатысты. Олар үш номинация бойынша атап айтқанда «Тәуелсіздік тұғыры – мемлекеттік тіл», «Тіл – мә­дениет мұраларына ашылған жол», «Шабыт жұлдызы» деген тақырыпта сайысқа түсіп, жүлдегерлер дипломдар мен ақшалай сыйлықтарға ие бол­ды. Жалпы, осы байқауда ор­ыс жастарының қазақ тіліне ден қоюы сүйсінтті. Сүлеймен МӘМЕТ.