Еліміздің 6 облысында жолдар жабылды

АСТАНА. 4 қаңтар. Қазақстанның алты облысында қолайсыз ауа райына байланысты республикалық мәні бар жолдар жабылды. Бұл туралы tengrinews.kz хабарлайды. Ішкі істер министрлігі Төтенше жағдайлар комитетінің мәліметінше, бүгін сағат 08:00-ден бастап Ақтөбе, Шығыс Қазақстан, Батыс Қазақстан, Қарағанды, Қостанай, Қызылорда облыстарында ауа райының бұзылуына байланысты жолдарда көліктің барлық түрлері үшін қозғалыс тоқтатылған. Хабарламада, Ақтөбе облысында Самара - Шымкент (615-1240 шақырымдар), Қарабұтақ - Комсомол (0-231 шақырымдар), Ақтөбе - Орск (8-135 шақырымдар), Қандыағаш-Ембі-Шалқар-Ырғыз (92-401 шақырымдар) тас жолдары мен бірқатар автожолдар жабылды. Сонымен қатар, Шығыс Қазақстан аумағындағы Қарағанды-Аягөз-Боғаз учаскелерінде (320-704 шақырымдар) көліктердің қозғалысына тыйым салынды. Ал Оралдағы Самара – Шымкент (280-526 шақырымдар) жолы жабық. Қарағанды облысында Қызылорда - Павлодар (216-424 шақырымдар) және Алматы - Екатеринбург (489-637 шақырымдар) тас жолдары жабылды делінген. Сондай-ақ, Қостанай облысында да республикалық мәні бар автожолдардың учаскелері жабылды. Ол Қарабұтақ - Денисовка (231-386 шақырымдар) тас жолы және Қостанай-Әулиекөл-Сұрған (215-232 шақырымдар), сонымен қатар, облыстарда бірқатар жолдар жабылды. Қызылорда облысында Самара - Шымкент (1240-1356 шақырымдар) тас жолында көлік қозғалысы тоқтатылды. Айта кетейік, өзге облыстарда да республикалық және облыстық мәні бар автомобиль жолдарында барлық бағыт бойынша көлік қозғалысына тыйым салынды. Талғат Райымбек. Дерек, сурет: tengrinews.kz.