Оңтүстік Қазақстанның call-орталығының жұмысы жемісті

ШЫМКЕНТ. 8 қаңтар. Облыстық клиниканың жанынан ашылған call-орталық әлеуметтік саланың дамуына айтарлықтай үлес қосып келеді. Бұл туралы egemen.kz тілшісі хабарлады. Бұған 12 медициналық ұйым бекітілген. Осындағы денсаулық сақтау ұйымдарында 7308 дәрігер, 22027 орта буын мамандары қызмет етеді. Өткен жылдарға қарағанда ана мен бала өлімі төмендеп отыр. Тұрғындар жедел-жәрдем қызметіне үнемі сын айтып келе жатқан. Бұл мәселені облыс әкімі Бейбіт Атамқұлов өз бақылауына алып, қосымша бригадалармен толықтыруды тапсырған. «Отыздан аса азаматқа ағза алмастыру операциясы жасалып, бәрі көңілдегідей болды. Дәрігерлеріміздің біліктілігі артуына үлкен мән беріледі. Олар хирургиялық емдеудің жаңа тәсілдерін меңгере бастады. Яғни, баяғыдай шетелге ота жасату үшін шығандаудың қажеті жоқ», дейді облыстық денсаулық сақтау басқармасының басшысы Сейітжамал Пакеев. Бақтияр Тайжан. Дерек, сурет: egemen.kz