Қылмыстық іс қозғалды

Көкшетау әуежайының вице-пре­зиденті Олег Чернышевтің жұмыс орнында асылып қалғандығы жөніндегі хабар бірқатар адамды елең еткізді. Тосын оқиға жайлы алыпқашпа сөздер де көбейді. Міне, енді Ақмола облыстық көлік прокуратурасы осыған қатысты Қылмыстық кодекстің 105-бабына сай қылмыстық іс қозғалғанын хабарлады. Сондай-ақ, прокуратура өкілі мұның алдын ала тұжырым екендігін ескертті. Әзірге арнайы комиссия тиянақты зерт­теу жұмыстарын жүргізуде. Бар­лық қорытынды құзырлы комиссия жұ­мысының аяқталуымен айқындалады. Олег Чернышев Көкшетау әуе­жайында 28 жылдан бері жұмыс істей­ді, топ-менеджерлік қызметке та­ғайын­далғанына 4 ай болған. Мәйітті Чер­нышевтің аталған әуежайда жұмыс ат­қаратын ұлы тауып алған. Оның туған-туыстары 50 жастағы азаматтың өз-өзіне қол жұмсауы мүмкін еместігін айтады. Оның үстіне 75 жастағы анасына үнемі қамқор болып жүретін О.Чернышевтің қартайған анасын қайғыға батыруы ақылға қонбайды, дейді олар. Әрине, жоғарыда айтылған мәселе­лердің анық-қанығы зерттеу амал­дарының қорытындысында анық­талатыны белгілі. Ал әуежай басшысы қызметінен босатылды. Бақберген АМАЛБЕК, «Егемен Қазақстан». Ақмола облысы.