Жазушыға құрмет көрсетті

Жақында Қазақстан Жазушылар одағының мүшесі Жәди Шәкенұлы Дұниежүзілік Шыңғыс хан академиясының академиясы атағын иеленді. Моңғолияның Қазақстандағы Төтенше және өкілетті елшісінің Білім және мәдениетке жауап­ты бас көмекшісі Баясгах Эрхэмбаяр салтанатты рәсім барысында жазушыға осы атақтың берілгенін хабарлап, аталған академияның төсбелгісі мен Шыңғыс хан атындағы «Алтын жұлдыз» орденін табыстады. Жәди Шәкенұлы – «Ақ­бота», «Балқаймақ», «Қы­тайдағы қазақтар», «Бір уыс сәуле», «Қаралы көш», «Жал­ғыздың үні», «Ақ­балапан», «Жәнібек батыр», «Арманшыл бала» ең­бек­терінің авторы. Жазу­шы­ның «Ақбота» атты еңбегі Қытайда, ал «Ақбалапан» кі­табы Түркияда жарық көріп, өзге елдердің оқырмандары тарапынан да оң бағасын алған. Оның бірқатар шы­ғармалары оқулықтарға енсе, «Түркі-моңғол империясы және оның қазақ хандарын қалыптастыруының негізі», «Шыңғысхан әулеті және хан тұқымынан төре қою», «Шығыс Түркістан мәселелері», «Оспан батыр» сынды тарихи тақырыпта жазған ғылыми мақалалары әртүрлі басылымдарда жа­рияланған. Сондай-ақ, Ж.Шә­кенұлының құрас­тыруымен 20-дан астам кітап жарық көрген. 2015 жылы «Тәуелсіздік тағылымы», «Арманшыл ба­ла» еңбектері үшін Ха­лық­аралық кітап жәр­мең­ке­сінде арнайы марапатқа ие болған жазушы бүгінде Ақмола облысына қарасты Целиноград ауданындағы Қоянды орта мектебінде директор болып қызмет атқарады. Бұған дейін Дүниежүзілік Шыңғыс хан академиясының академигі атағы еліміз бойынша 5-6 адамға ғана берілген екен. Ал Ақмола облысы бойынша бұл мәртебені алғаш рет мектеп директоры иеленіп отыр. Әділ АЙТҚАН.