Солтүстікқазақстандық кәсіпкерге кәсіпкерлер палатасы араша түсті

ПЕТРОПАВЛ. 11 қаңтар. Бірнеше жылдан бері экологиялық таза өнімдер айналысумен айналысатын Андрей Стрелей аяқ астынан жазықты болып, 3 миллион теңге айыппұл төлей жаздады. Бұл туралы egemen.kz тілшісі хабарлады. Жеке кәсіпкер Есіл ауданында экологиялық таза картоп өсіреді, биогумус өндіреді.  Биыл екі шағын зауыт салуды жоспарлап отыр. «Қырсыққанда қымыран іриді» деген рас. Жамбыл облысының Шығанақ стансасы маңында оның жүк тиелген көлігін көлік инспекциясы тоқтатып, өлшеу кезінде   2 тонна 680 кило салмақтың артық шыққанын «табады». Дереу акт толтырылып, 3 миллион теңге айыппұл салу арқылы жазалауды ұйғарады. Алайда, бұл шешіммен келіспеген Андрей кәсіпкерлер палатасына шағымданады. «Жедел топ оқиға болған жерге келіп, мән-жайды талдау, саралау барысында бар-жоғы 200 кило жүктің арттық шыққанын анықтады.  Кәсіпкер жауапкершіліктен босатылды», дейді СҚО кәсіпкерлер құқығын қорғау палатасының бөлім бастығы Асқар Махметов. Былтыр бұл құрылымға 4 мың адам арызданып, 300 миллион теңгенің мүліктік мүддесі қорғалған. Өмір Есқали. Дерек, сурет: egemen.kz