Қазақстандық автоспортшы Қанат Шагиров штурман Виталий Евтеховпен бірге Africa Eco Race-2016 ралли-марафонының тұжырымды жалпы есебінде топ жарды. Осылайша «Дакар» раллиінің классикалық маршруты бойынша өтетін дәстүрлі жарыста қазақ спортшысы тарихи жеңіске қол жеткізді. Mobilex Racing командасы сапында сынға түскен отандастарымыз жарыс жолына Toyota Overdrive көлігімен шыққанын атап өткен жөн.
Дода Африка құрлығындағы Марокко, Мавритания және Сенегал елдерінің аумағында өтті. Соңғы 12-кезеңде француздық экипаж Филипп Госселен мен Паскаль Винсент жеңіске жетті. Алайда, бұл көрсеткіш жалпы есептегі жағдайға ешқандай өзгеріс әкелген жоқ. Нәтижесінде қазақстандық спортшы Қанат Шагиров бастаған экипаж жеңістің ең биік тұғырынан көрінді. Біздің саңлақтар екінші орын алған Францияның тағы бір экипажы Паскаль Томас пен Паскаль Ларокты 25 минут 24:48 секундқа артта қалдырды. Ал келесі француздық ұжым Матье Серрадори мен Дидье Акет жеңімпаздардан 1 сағат 33:23 секундқа қалып, үздік үштікті түйіндеді.
Hummer көлігімен сайысқа түскен Mobilex Racing командасының тағы бір экипажы, қазақстандықтар Юрий Сазонов пен Алексей Кузьмич жалпы есепте 8-орын алса, тәжірибелі штурман Арслан Сахимовпен бірге өнер көрсеткен раллидің дебютанты, қандасымыз Ерден Шагиров 27-орынға табан тіреді.
Сонымен қатар, сериялық «жол талғамайтын көлік» Т2 класы бойынша жарысқа қатысқан жалғыз қазақстандық өкіл, Off Road Kazakhstan командасының экипажы Марат Әбіқаев пен Андрей Чипенко жалпы есепте екінші орын алды. Олар сайысқа Toyota көлігімен қатысты. Бұл сында қазақстандық экипаж Ford көлігін тақымдаған ресейлік Александр Терентьев пен Алексей Беркутке есе жіберді. Ал жарыстың қола жүлдесі Nissan көлігіне мінген француздар Жозеф Россо мен Гай Ленефвюге бұйырды. Ал абсолютті жалпы есепте Марат Әбіқаев 23-орынға тұрақтады.
Айта кетейік, Africa Eco Race-2016 ралли-марафонында қазақстандық спортшылар 12 кезеңнің төртеуінде топ жарды. Атап айтқанда, бірінші және үшінші кезеңдерде Юрий Сазонов пен Алексей Кузьмич экипажы жеңіске жетсе, бесінші және жетінші кезеңдерде Қанат Шагиров пен Виталий Евтехов мәре сызығын бірінші болып қиды.
Еламан ҚОҢЫР,
«Егемен Қазақстан».
Қазақстандық автоспортшы Қанат Шагиров штурман Виталий Евтеховпен бірге Africa Eco Race-2016 ралли-марафонының тұжырымды жалпы есебінде топ жарды. Осылайша «Дакар» раллиінің классикалық маршруты бойынша өтетін дәстүрлі жарыста қазақ спортшысы тарихи жеңіске қол жеткізді. Mobilex Racing командасы сапында сынға түскен отандастарымыз жарыс жолына Toyota Overdrive көлігімен шыққанын атап өткен жөн.
Дода Африка құрлығындағы Марокко, Мавритания және Сенегал елдерінің аумағында өтті. Соңғы 12-кезеңде француздық экипаж Филипп Госселен мен Паскаль Винсент жеңіске жетті. Алайда, бұл көрсеткіш жалпы есептегі жағдайға ешқандай өзгеріс әкелген жоқ. Нәтижесінде қазақстандық спортшы Қанат Шагиров бастаған экипаж жеңістің ең биік тұғырынан көрінді. Біздің саңлақтар екінші орын алған Францияның тағы бір экипажы Паскаль Томас пен Паскаль Ларокты 25 минут 24:48 секундқа артта қалдырды. Ал келесі француздық ұжым Матье Серрадори мен Дидье Акет жеңімпаздардан 1 сағат 33:23 секундқа қалып, үздік үштікті түйіндеді.
Hummer көлігімен сайысқа түскен Mobilex Racing командасының тағы бір экипажы, қазақстандықтар Юрий Сазонов пен Алексей Кузьмич жалпы есепте 8-орын алса, тәжірибелі штурман Арслан Сахимовпен бірге өнер көрсеткен раллидің дебютанты, қандасымыз Ерден Шагиров 27-орынға табан тіреді.
Сонымен қатар, сериялық «жол талғамайтын көлік» Т2 класы бойынша жарысқа қатысқан жалғыз қазақстандық өкіл, Off Road Kazakhstan командасының экипажы Марат Әбіқаев пен Андрей Чипенко жалпы есепте екінші орын алды. Олар сайысқа Toyota көлігімен қатысты. Бұл сында қазақстандық экипаж Ford көлігін тақымдаған ресейлік Александр Терентьев пен Алексей Беркутке есе жіберді. Ал жарыстың қола жүлдесі Nissan көлігіне мінген француздар Жозеф Россо мен Гай Ленефвюге бұйырды. Ал абсолютті жалпы есепте Марат Әбіқаев 23-орынға тұрақтады.
Айта кетейік, Africa Eco Race-2016 ралли-марафонында қазақстандық спортшылар 12 кезеңнің төртеуінде топ жарды. Атап айтқанда, бірінші және үшінші кезеңдерде Юрий Сазонов пен Алексей Кузьмич экипажы жеңіске жетсе, бесінші және жетінші кезеңдерде Қанат Шагиров пен Виталий Евтехов мәре сызығын бірінші болып қиды.
Еламан ҚОҢЫР,
«Егемен Қазақстан».
Соңғы жаңалықтар
Бәріңізге түсінікті болу үшін...
Қоғам • Кеше
Жайық өзеніндегі су қауіпті деңгейден асты
Аймақтар • Кеше
