Өмірдің 99-шы белесі

Степногор қаласында тұратын соғыс және тыл ардагері Клавдия Коша­леваны 99 жасқа толуымен ардагерлер кеңесі мен мектеп оқушылары құттықтады. Бұл туралы Ақмола об­лыс­тық «Медия орталығының» дерек­теріне сүйенген «egemen.kz» тілшісі хабарлады. 1917 жылы өмірге келген Клавдия Ивановна қаңтар айында өзінің 99 жылдық мерейтойын қарсы алды. Осындай атаулы мерекемен қалалық ардагерлер кеңесінің төрайымы Фа­рида Есжанова мен оның орынбасары Елена Жиликова туған күн иесін арнайы құттықтап қайтты. Сонымен қатар, Клавдия апайды құттықтауға №2 ор­та мектеп директорының тәрбие ісі бойынша орынбасары Светлана Шве­цова мен мектеп тәлімгері Айжан Бақбергенова да барды. Ардагерлер кеңесінің атынан той иесіне сыйлық тарту етіліп, жылы ле­біздер білдірілді. №2 орта мектеп ұстаздары да балалар қолымен жа­сал­­ған бұйымдарды сыйға ұсынып, ша­ғын концерттік бағдарлама қойды. Клавдия апай – Орынбор өңірінің тумасы. Тұрмысқа шыққан сәттен бас­тап Қырғызстанға жер аударылған. Ұлы Отан соғысының ардагері ең­бек майданында да озаттар сапында болды. Жұбайы өмірден озған соң Қырғызстаннан Қазақстанға кө­шіп келіп, 4 баладан өрбіген немере-шөбе­релерінің қызығын көруде. Бақберген АМАЛБЕК, «Егемен Қазақстан». Ақмола облысы.