Қарақшыны құрықтаған қыз

Қыз баланы әспеттеп «нәзік жанды» деп жатамыз. Ал енді қысылтаяң шақтарда сол нәп-нәзік деп жүрген жандарыңның өзі ер адамның қолынан келмес шаруаны атқарып тастайтыны бар. Дәл осының дәлеліндей, Қарағанды қаласындағы жеке-меншік фирманың бірінде оқыс оқиға орын алды. Бетперде киген белгісіз біреу оператор-кассир Наз­гүл Ақ­құлина отыратын жұ­мыс бөл­месіне кіріп келіп, пы­шақ кезеп, ақша талап еткен. Сол сәтте-ақ Назгүл де әлгі қарақ­шының өзіне тап берген. Мұндайды күтпеген тонау­шы абдырап қалыпты. Мұны байқаған өжет қыз қылмыскердің пышағын қағып түсіріп, өзіне жармаса кеткен. Содан полиция қызметкерлері келіп жет­­кенше жүрек жұтқан қыз қан­ша бұлқынса да тонаушыны жібермей ұстап тұрыпты. Облыстық ішкі істер депар­та­ментінің басшылығы қоғам­дық тәртіпті қорғау кезінде қай­сар­лық танытқаны үшін Наз­гүл Аққұлинаны бағалы сый­лықпен марапаттады. Қайрат ӘБІЛДИНОВ, «Егемен Қазақстан». ҚАРАҒАНДЫ.