Тәрбие тағылымы

Елімізде «Өзін-өзі тану: Сүйіспеншілік пен Шығармашылық педагогикасы» атты онкүндік басталды Білім және ғылым министрлігінің Балалардың құқықтарын қорғау комитеті республиканың барлық ұйымдарында 2016 жылғы ақпан айының 2-сі мен 12-сі ара­лығында «Өзін-өзі тану: Сүйіспеншілік пен Шығармашылық педагогикасы» атты дәстүрлі онкүндігін жариялады. Онкүндіктің мақсаты балалар мен жастарды адамгершілік-рухани тәрбиелеу жүйесін дамыту, олардың азаматтық мәдениет дағдыларын жетілдіру болып табылады. Кеше республиканың барлық білім беру ұйымдарында онкүндіктің мерекелік ашылу рәсімі болып өт­ті. Онкүндік аясында семинарлар, кітаптар көрмесі, дөңгелек үс­тел­дер, ашық сабақтар, балалардың шығармашылық байқаулары, қайы­­рымдылық акциялары, ки­но­театр­ларға, ойын-сауық орталық­та­рына, спорттық кешендерге бару, ата-аналардың қатысуымен ауқымды іс-шаралар ұйымдастыру жоспарлануда. 2010-2011 оқу жылында «Өзін-өзі тану» адамгершілік-рухани білім беру бағдарламасы барлық білім беру деңгейлерінде, мектепке дейінгі мекемелерден бас­тап жоғары білім беру салаларына да енгізілген болатын. Алғаш рет мемлекеттік деңгейде өс­келең ұрпақты әмбе­бап және жал­пыадамзаттық құндылықтарға оқыту міндетін «Өзін-өзі тану» жо­басының авторы Сара Алпысқызы Назарбаева ұсынды. Аталған бағ­дарлама оқушылардың бойындағы шығармашылық әлеуетін толық әрі жан-жақты іске асыруға, жаһандану жағдайында заманауи жетістіктерге жетуге мүмкіндік береді. Сонымен қатар, өмірлік және білім беру стра­­тегиясын, қоғамдағы ауқымды әлеуметтік тағылымдарды меңгеруге ықпал етеді. Адамгершілік-рухани тәрбие негізіндегі осынау білім ба­лалардың дүниеге сеніммен шаттана қарауына және табысқа жету жолында сенімді болуға, тәрбие және білім алу үдерісінде тиімді әлеуметтенуге көмектеседі.