Үнді әндерін үзіле айтқан

қайыршы нәпақасын адал айырып жүр «Басқа түссе – баспақ­шыл» деген, теміртаулық үй­сіз-күй­сіз қаңғыбас қала­дағы «Пас­саж» деп аталатын супер­маркеттің алдындағы алаң­­қайда құдайдың құтты күні «концерт» қоя­ды. Сөйтіп, тиын-тебен тау­ып, күнін көріп жүр. Те­мір­таулық «талант­тың» үн­ді әндерін шырқаумен ата­ғы шыға бастаған. Ерік­­кен жұртқа керегі де осы – күн­­нен-күнге әлгі «ән­ші­нің» тыңдармандары да көбейіп келеді. Тіпті, олар қаңғыбастың үнділік хит әндерді беріле орындап тұр­ғанын ұялы телефонның камерасына түсіріп, әлеуметтік желіге салып та қойыпты. Қазіргі таңда мұндай өнер­­­пазды іздесең, еліміздің әр қала­сынан табуға болады. Мысалы, Өскеменде үйінен айырылып қалған қаңғыбас суретші өнерімен қу тамағын асырайды. Ол байғұс самса үшін кез келген адамға қолма-қол сурет салып береді екен. Оны қала тұр­ғындарының көбі танитын көрінеді. Тұрлауы жоқ тірліктің баян­­сыз «жұлдыздары» кө­бейіп бара ма, қалай өзі? Алаң­датарлық жайт... Қайрат ӘБІЛДИНОВ, «Егемен Қазақстан». ҚАРАҒАНДЫ.