Ақжолдықтар аймақтарды аралауда

«Ақ жол» демократиялық пар­тиясының үгіт-насихат жұ­мыс­тарын жүргізуі белсенді бағыт алуда. Аптаның аяғы, дем­алыстың алғашқы күніне түскен үгіт шаралары Орал қаласынан бас­талып, одан елорданың төрінде кәсіпкерлермен кездесулер өткізіліп, кейін­гіде атбасы Талдықорған қаласына бұрылды. Ақжолдықтар ел эконо­микасын жақсарту тұрғысында отандық өнім өндірушілерді қолдау үшін Талдықорғанға арнайы келген еді. Айтар болсақ, Көкшетау қаласында ақ­жолдықтар, оның ішінде Мәжіліс депу­таттығынан үміткер, Л.Н.Гумилев атын­дағы ЕҰУ қазақ әдебиеті кафедрасының доценті Қайырбек Кемеңгер Қазақ педагогикалық колледжіндегі оқу ұжы­мымен кездесті. Жиналғандар алдын­да сөз сөйлеген кандидат «Ақ жол» партиясының сайлауалды бағдар­ла­масындағы басымдықтарды сөз етсе, ұжым мүшелері оған қолдау білді­ре­тіндігін жеткізді. Ал ақжолдықтардың тағы бір өкілі, Ұлттық зерттеулер институтының директоры Бөріхан Нұрмұхамедовтің жолы Оңтүстік Қазақстан облысына түсті. Сапарын облыс орталығы – Шымкент қаласынан бастаған ол «Шымкент көлік, коммуникация және жаңа технологиялар» колледжінде қала тұрғындарымен кездесті. Онда партияның сайлауалды бағдарламасымен көпшілікті таныс­тыра отырып, кездесуге келгендердің әлеуметтік, нарықтық және қазіргі әлемдік саяси мәселелер туралы қойған сұрақтарына жауап берді. Б.Нұрмұхамедов, сонымен қатар, Төлеби ауданы, Көксаек елді мекеніндегі аудандық аурухана қызметкерлерімен кездесу өткізді. 200-ден аса білікті дәрігер-мамандар жұмыс істейтін кең ұжымды аурухананың жағдайына қанық болған үміткер кездесу барысында «Ақ жол» партиясының Парламент Мәжі­лісінің 5-шақырылымында атқарған жұмыстарына шолу жасады. «Ақ жол» ҚДП-ның Ақмола облыстық филиалында да еліміздің Парламент Мәжілісі мен жергілікті мәслихаттар сай­лауларына арналған шара өтті. Бұл басқосуға партияның белсенділері және БАҚ өкілдері қатысты. Алдағы сай­лауға үгіт-насихат жұмыстарының бас­талуына орай Парламент Мәжілісі депу­тат­тығынан үміткер Меруерт Қазбекова саяси науқанның жай-жапсары жайлы кеңінен әңгімеледі. Сонымен қатар, ақжолдықтар Н.Жа­зыл­­беков пен Д.Васильев Талдықор­ған қаласындағы «Зире» диагнос­тика­лық стационарында және «Алма­тинские краски» мекемесінде болып, атал­ған мекемелердің ұжымдарымен кез­десті. Қазіргі заманғы әдістермен жұмыс істейтін, жаңа құ­рылғылармен жаб­дық­талған стацио­нардан Талдықорған өңірінің ғана емес, Жамбыл, Қызылорда, Оңтүстік Қа­зақстан облыстарының тұрғындары да ем алады. Оларға кәсіби біліктілігі жо­ғары 80 адам қызмет көрсетеді. Эльмира МӘТІБАЕВА, «Егемен Қазақстан».