01 Наурыз, 2016

Саламатты өмір салтанаты

135 рет көрсетілді
КНПКСайлауалды үгіт-насихат шараларын өткізу шең­берінің аясында Қазақстанның Коммунистік халық партиясы (ҚКХП) Астананың орталық саябағында жас белсенділердің қатысуымен «Біз саламатты өмірді қалаймыз!» атты акция өткізді. Акцияға жүзшақты партия бел­сендісі қатысып, спорттық гимнас­тиканың жаттығуларымен топ болып ай­налысты. Коммунистердің бұл бас­тамасы сол күні саябаққа жинал­ған көпшілікті қызықтырып, музы­ка­ның ырғағымен жасалып жатқан гим­нас­тикаға қатысушылар көп болды. Әсі­ресе, жас көрермендерге бұл шара қат­ты ұнағаны көрініп тұрды. Ұйым­дасты­ру­шылардан өздеріне қызыл түсті спорт­тық костюмдер сұрап, жат­тығу­ларды бірге жасауға қатысқысы келген үлкендер де болды. Жаттығулар аяқталған соң сол жерге жиналған жұртшылыққа ҚКХП бел­сен­ділері саламатты өмір салтын ұстанудың артықшылықтары туралы әңгіме өткізді. Әрбір азамат саламатты өмір сүруге тырысып, өз денсаулығын қадағалап отырса, біз дені сау жақсы қоғам болар едік. Ата-аналар балаларын осы бағытта тәрбиелеуде белсенділік көрсетулері керек. Коммунистік партия халықтың денсаулығы жақсы болып, өмір салты үлгілі болғанын қалайды. Біз барлығыңызды да спортпен тұрақты айналысуға шақырамыз. Оған бөлінген уақыттарыңыз сіздер үшін тек пайда ғана әкеледі. Сондықтан да біз спорттық шараларды тұрақты өткіземіз, деді өзінің жиналған халыққа арнаған сөзінде ҚКХП Орталық комитеті аппаратының басшысы Виктор Смирнов. Оның сөзін партияның жастар қанатының өкілі Екатерина Шайдовская қостап, жастарға арнап сөз сөйледі. Қазақстандықтардың спорттық әлеуеті орасан зор екенін көріп жүрміз. Спортшы тарландарымыз әлемнің барлық бұрыштарынан, ең ірі жарыстар мен чемпионаттардан үлкен табыстар әкеліп, бізді қуантып жүр. Олардың табыстары көктен түскен жоқ. Бәрі де осындай көпшілік спорттан басталған. Сондықтан, ата-аналардың бәрі спорттық жетістіктерге барынша жіті қараулары керек. Балаларының болашағы үшін олардың спорт түрлерімен айналысуын қамтамасыз еткен жөн. Барлық балалардың да спортқа қызығушылығы жас кезінде болады. Сол шақта баланың талпынысын қолдау ата-ананың қасиетті борышы. Коммунистік партия осы істің сәтті, табысты болғанын қалайды. Сондықтан да осындай шаралар өткізуде деді ол. Спорттық шарадан кейін жинал­ған халыққа ҚКХП-ның сайлауалды бағдарламасы мен үгіт-насихат парақ­шалары таратылды. Іс-шараны қолдап, коммунистік партияның бағыты дұрыс екенін айтып, жиналғандар арасынан бірнеше адам сөз сөйледі. Жақсыбай САМРАТ, «Егемен Қазақстан».  
Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар