Миссия басшысымен байыпты әңгіме

«Ауыл» халықтық-демократиялық пат­риот­тық партиясы республикалық қоғамдық штабы­ның мүшелері Астанада Еуропадағы қауіп­сіздік және ынтымақтастық ұйымының Де­мократиялық институттар мен адам құ­қық­тары жөніндегі бюросы (ЕҚЫҰ/ДИАҚБ) Парламент Мәжілісі сай­­лауын байқау жөніндегі миссиясының жетекшісі Борис Фрлецпен жүздесті. ЕҚЫҰ/ДИАҚБ миссиясының саяси мәселелер жөніндегі сарапшылары жә­не «Ауыл» партиясының белсенділері қа­тыс­қан шарада республикалық қоғам­дық штаб жетекшісі Рүстем Жоламан ше­тел­­дік байқаушыларды Парламент Мә­жі­лісінің депутаттарын сайлау науқа­ны­на дайындық барысымен таныстырды. «Қазіргі таңда «Ауыл» партиясының республикалық қоғамдық штабы барлық қажетті кадрлық, материалдық және қар­жылық ресурстарға ие және саяси додаға лайықты деңгейде қатысуға да­йын. Барлық аймақтық штабтар толық жаб­дықталған және жұмысқа қабілетті. Біз аймақтық штаб жетекшілері мен мүше­лерін сайлау науқанының бүге-шіге­сімен таныстырып, оларды оқытуды жал­ғас­тырып келеміз. Орталық штаб тара­пынан оларға барлық қажетті ұйым­дас­тырушылық, әдістемелік және ақпа­раттық қолдау көрсетіліп, тиісті нұсқаулықтар мен кітапшалар, үгіт-насихат материалдарымен қамтама­сыз етілді», – деді Р.Жоламан. Сонымен қатар, ол ЕҚЫҰ/ДИАҚБ мис­сиясы сарапшыларына партияның сайлауалды бағдарламасының басым бағыт­тары тұрғысында әңгімелеп берді. ЕҚЫҰ/ДИАҚБ миссиясының басшы­сы Борис Фрлец өз кезегінде бүгінгі кез­де­суді ұйымдастырған тарапқа алғысын біл­діріп, миссия сарапшыларының бас­ты жұ­мыс бағыттарымен таныстырып шықты. Сонымен бірге, кездесу кезінде сайлау науқанына қатысты нормативтік-құ­қық­тық база, үгіт-насихат шараларын өткізу­дің қыр-сыры талқыланды. Шара соңында қоғамдық штаб жетек­шісі Р.Жоламан партияның барлық халық­аралық байқаушылар үшін ашық жә­не алдағы сайлау науқанының заң та­лап­­та­рына сай өтуіне мүдделі екенін жеткізді. Тағы бір айта кетер жайт, өткен жек­сен­біде «Ауыл» партиясының ұйытқы болуы­мен Өскемен қаласындағы «Жекпе-жек» сарайында тоғызқұмалақ, дойбы және шахматтан жастар арасында сайыс ұйымдастырылды.Спорттық шара барысында респуб­ликалық қоғамдық штаб өкілдері қаты­суш­ыларға партияның сайлауалды бағдар­ламасының басым бағыттарын түсін­діріп берді. Сондай-ақ, жиында халқымыздың дәстүрлі құндылықтары мен қоғамның рухани дамуы тұрғысында сөз болды. Шараға қатысушылар ұлттық салт-дәстүрді жаңғыртуды қолға алған «Ауыл» партиясының қадамын құптады. Сайыс аяқталған соң, жүзден жүйрік шық­қан­дарға арнайы дипломдар табыс етілді. Жолдыбай БАЗАР, «Егемен Қазақстан».